ఇప్పటికైనా అర్ధం అయ్యిందా? ఆమె ఎవరో? ఇంకా గుర్తుకు రాలేదా? ఆమె తండ్రి ఓ స్టార్ నటుడు కాగా ఆమె తల్లి కూడా ప్రముఖ నటి కావడం విశేషం. దాంతోనే ఆమె సినిమా ఇండస్ట్రీ ఎంట్రీ చాలా తేలికగా జరిగింది. అయినా ఆమె తన స్వ కష్టం మీద పైకి వచ్చింది. తను మరెవరో కాదు... సీనియర్ నటుడు కమల్ హాసన్ గారాల పట్టి శ్రుతి హాసన్. నేడు మంగళవారం (జనవరి 28) ఆమె పుట్టిన రోజు. దీంతో సినీ ప్రముఖులు, అభిమానులు, నెటిజన్లు శ్రుతికి సోషల్ మీడియా వేదికగా బర్త్ డే విషెస్ చెబుతున్నారు. అదే సమయంలో ఈ హీరోయిన్ కు సంబంధించిన చిన్ననాటి ఫొటోలు, వీడియోలు నెట్టింట చక్కర్లు కొట్టడం మనం గమనించవచ్చు.
ఇకపోతే హీరోయిన్ శృతిహాసన్ పవర్ స్టార్ పవన్ కళ్యాణ్ తో 'గబ్బర్ సింగ్' అనే సినిమాలో నటించిన సంగతి అందరికీ తెలిసినదే. ఈ సినిమా చేసిన తరువాత ఆమె ఇక తిరిగి వెనక్కి చూసుకోలేదు. ఈ క్రమంలోనే క్రాక్, వీరసింహారెడ్డి, వకీల్ సాబ్, వాల్తేరు వీరయ్య, సలార్ పార్ట్-1.. బ్యాక్ బు బ్యాక్ హిట్స్ తో దూసుకుపోతోంది. అంతేకాకుండా ప్రస్తుతం కూడా ఆమె చేతిలో దండిగా సినిమా ప్రాజెక్టులు ఉన్నాయి. లోకేశ్ కనగరాజ్ - రజనీ కాంత్ కాంబోలో వస్తోన్న కూలీ సినిమాలో శ్రుతి హాసన్ నటిస్తోన్న సంగతి విదితమే. అలాగే విజయ్ సేతుపతి ట్రైన్ మూవీలో కూడా శృతి హీరోయిన్ గా ఎంపికైంది. దీంతో పాటు మరికొన్ని క్రేజీ ప్రాజెక్టులు శ్రుతి చేతిలో ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి