ఇక సంక్రాంతి కానుకగా రిలీజ్ అయిన ఈ సినిమా అంతగా హిట్ కాలేదు. దిల్ రాజు శ్రీ వెంకటేశ్వరా ఆర్ట్స్ బ్యానర్ పై భారీ అంచనాలతో తెరకెక్కిన ఈ సినిమా మిక్స్డ్ టాక్ ని సొంతం చేసుకుంది. అయితే తాజాగా మరోసారి రామ్ చరణ్, దిల్ రాజు శ్రీ వెంకటేశ్వరా ఆర్ట్స్ బ్యానర్ పై సినిమా తీయనున్నట్లు సోషల్ మీడియా వేదికగా టాక్ జోరుగా వినిపించింది. ఈ క్రమంలో రామ్ చరణ్ టీమ్ స్పందించింది. ఆ వార్తలను ఖండిస్తూ క్లారిటీ ఇచ్చింది. దిల్ రాజుతో, రామ్ చరణ్ మరో సినిమా చేస్తున్నట్లు వస్తున్న వార్తల్లో నిజం లేదని తెలిపింది. అది అంతా అబద్దం అని.. అందులో ఏ మాత్రం నిజం లేదని క్లారిటీ ఇచ్చింది. ప్రస్తుతం రామ్ చరణ్, బుచ్చిబాబు దర్శకత్వంలో ఓ సినిమా చేస్తున్నారని తెలిపింది. ఆ తర్వాత డైరెక్టర్ సుకుమార్‌ దర్శకత్వంలో మరో సినిమా రానుందని స్పష్టం చేసింది.
ఇకపోతే రామ్ చరణ్ హీరోగా తెరకెక్కనున్న ఆర్‌సీ 16 సినిమాలో హీరోయిన్ గా జాన్వీకపూర్ నటిస్తుంది. రామ్ చరణ్ ఇప్పుడు ఈ సినిమా పనుల్లో బిజీ గా ఉన్నారు. ఈ సినిమా జగపతి బాబు, కన్నడ నటుడు శివ రాజ్ కుమార్ కూడా ముఖ్య పాత్రల్లో నటిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి