ఇందులో నాగచైతన్య యాక్షన్‌ మోడ్‌లో కనిపిస్తున్నారు. శ్రీకాకుళం జిల్లాలోని ఓ మత్స్యకార గ్రామంలో జరిగిన యథార్థ సంఘటన ఆధారంగా ఈ చిత్రాన్ని తెరకెక్కించారు. జాలరుల జీవన సంఘర్షణతో పాటు దేశభక్తి ప్రధానంగా ఈ సినిమా ఆకట్టుకుటుందని దర్శకుడు పేర్కొన్నారు.ఇదిలావుండగా ఈ సినిమాకు సంగీతాన్ని రాక్‌స్టార్ దేవిశ్రీ ప్రసాద్ అందించారు. ఆయన సంగీతం ప్రేక్షకులను బాగా ఆకట్టుకుంటుంది. ఇప్పటికే వచ్చిన పాటలు చార్ట్‌బస్టర్‌గా నిలిచాయి. యూట్యూబ్‌లో ఈ పాటలకు భారీగా వ్యూస్ రావడం, ప్రేక్షకుల నుండి అద్భుతమైన స్పందన లభించడం అందరికీ స్పష్టంగా కనిపిస్తోంది. ఇటీవల ఈ చిత్రంలోని ఆల్బమ్‌కు 100 మిలియన్ వ్యూస్ అందిన విషయం ప్రత్యేకంగా చెప్పుకోవాలి.ఈ విషయాన్ని సోమవారం అనగా జనవరి 27మేకర్స్ ఓ స్పెషల్ పోస్టర్ ద్వారా వెల్లడించారు. 10 కోట్ల వ్యూస్ బ్లాక్‌బస్టర్ తండేల్ ఆల్బమ్ మూడు పాటలతోనే 100 మిలియన్ల వ్యూస్ మ్యాజికల్ మార్క్ అందుకుంది. రాక్ స్టార్ దేవి శ్రీ ప్రసాద్ అందించిన ప్రతి పాటా మళ్లీ మళ్లీ వినాలని అనిపించేలా ఉంది. మరిన్ని చార్ట్‌బస్టర్స్ లోడింగ్ అనే క్యాప్షన్ తో తండేల్ టీమ్ పోస్ట్ చేసింది.ఈ క్రమంలో ఎన్నో రోజుల నుంచి ప్రేక్షకులను ఊరిస్తున్న ఈ సినిమా బాక్స్ ఆఫీస్ వద్ద ఏ స్థాయిలో విజయాన్ని సాధిస్తుందో అన్న ఆసక్తి ప్రతి ఒక్కరిలో కూడా పెరిగింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి