ఈ పరిణామం తరువాత నందమూరి కుటుంబమంతా ఏకతాటిపైకి రావాలని నందమూరి అభిమానులు కోరుకుంటున్నారు. ఇకపోతే చాలా రోజులుగా ఈ ఇద్దరూ ఒకే వేదికపై కనబడడం జరగలేదు సరికదా, బయట ఫంక్షన్లలో కూడా కనబడడం అరుదు. కానీ బాబాయికి పద్మభూషణ్ అవార్డు ప్రకటించడంతో అబ్బాయి స్పందించడంతో నందమూరి అభిమానుల కళ్ళల్లో ఆనందం తాండవిస్తోంది. అయితే దీనిపై బాలకృష్ణ ఇంతవరకు రిప్లై ఇవ్వకపోవడం గమనార్హం. బాలయ్య నందమూరి తారక రామారావు బయోగ్రఫీతో నాయకుడు, కథానాయకుడు చిత్రాల్లో బాలకృష్ణ నటించినంతవరకు తారక్ బాబాయ్ బాలయ్యతో మంచి సంబంధాలే కొనసాగించారు. ఆ చిత్రాలకు సంబంధించి ఫంక్షన్లకు తారక్ హాజరయ్యారు. ఆ తరువాత వారిద్దరి మధ్య దూరం స్టార్ట్ అయిందనే రూమర్స్ నడుస్తున్నాయి.
అయితే కొంతమంది విశ్లేషకులు మాత్రం ఇద్దరూ ఒకే కుటుంబం అని, ప్రతిసారీ జనాలకి వారు కలిసి ఉన్నాము అంటూ నిరూపించుకోవాల్సిన అవసరం లేదంటూ సమాధానం చెబుతున్నారు. ఇక ఇటీవల ఎన్నికల్లో టిడిపి కూటమి ఘన విజయం సాధించగా చంద్రబాబు, లోకేష్ లతో పాటు బాలకృష్ణ కు సైతం అభినందనలు తెలిపారు జూనియర్ ఎన్టీఆర్. దీనిపై చంద్రబాబుతో పాటు లోకేష్ రిప్లై ఇవ్వగా బాలకృష్ణ నుంచి ఎటువంటి స్పందన లేదు. అదేవిధంగా బాలకృష్ణ హోస్టుగా వ్యవహరిస్తున్న అన్ స్టాపబుల్ కార్యక్రమానికి దాదాపు అగ్ర కథానాయకులంతా హాజరయ్యారు. ఒక్క జూనియర్ ఎన్టీఆర్ తప్ప! కాగా బాలకృష్ణ వ్యవహార శైలి చూస్తుంటే ఇపుడు అందర్నీ కలుపుకునే తత్వం కనిపిస్తోంది. ఈ సమయంలో తారక్ నుంచి స్పందన రావడంతో తప్పకుండా బాలకృష్ణ కలుపుకొని వెళ్తారని నందమూరి అభిమానులు అనుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి