ఇకపోతే భద్రాద్రి కొత్తగూడెం జిల్లా, తెలంగాణకి చెందిన త్రిష ఈ టోర్నీ మొత్తంలోనే టాప్ స్కోరర్ గా రాణిస్తోంది. ఈ క్రమంలోనే 110 పరుగులతో ఐసీసీ అండర్-19 మహిళల టీ20 ప్రపంచకప్ ప్రస్తుత సీజన్‌లో త్రిష స్కోరు 230 పరుగులకు చేరుకున్నట్టు సమాచారం. 19 ఏళ్ల త్రిష తెలంగాణ రాష్ట్రంలోని భద్రాచలంలో పుట్టింది. రైట్‌ హ్యాండ్‌ బ్యాటింగ్‌తో పాటు రైట్‌ ఆర్మ్‌ లెగ్‌ బ్రేక్‌ బౌలింగ్‌ కూడా త్రిష వేస్తుంది. తెలుగమ్మాయి త్రిష దేశవాలీ క్రికెట్‌లో హైదరాబాద్‌కు ప్రాతినిథ్యం వహించడం గమనార్హం. ఇప్పుడు ఏకంగా మలేషియా వేదికగా జరుగుతోన్న ఐసీసీ అండర్ 19 మహిళల టీ20 ప్రపంచకప్ లో భారీగా పరుగులు సాధిస్తూ అందరి దృష్టిని ఆకర్షిస్తోంది.
ఇకపోతే ఈ మ్యాచ్ లో టాస్ గెలిచిన టీమిండియా మొదట బ్యాటింగ్ చేయాలని నిర్ణయించుకుంది. ఈ నేపథ్యంలో ఓపెనర్లు అయినటువంటి త్రిష – కమలిని కలిసి తొలి వికెట్‌కు 147 పరుగులు చేయడం జరిగింది. అర్ధ సెంచరీ తర్వాత కమలిని ఔటైనా.. త్రిష దూకుడు మాత్రం ఆగలేదు. సానికాతో కలిసి చివరి వరకూ క్రీజ్‌లో ఉన్న త్రిష రెండో వికెట్‌కు 61 పరుగుల భాగస్వామ్యం చేయగలిగింది. ఈ క్రమంలోనే మెరుపు వేగంతో ఏకంగా సెంచరీ సాధించి చరిత్ర పుటల్లోకి ఎక్కింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి