సరిగ్గా గత పది సంవత్సరాల క్రితం 2015లో ఇదే జనవరి 28న టెంపర్ ఆడియో ఫంక్షన్ ని ఎన్టీఆర్ అభిమానులు ఒకసారి గుర్తు చేసుకుంటున్నారు .. యంగ్ టైగర్ ఎన్టీఆర్ అప్పుడు ఆయన కెరియర్ లో వరుస డిజాస్టర్లు ఎదుర్కొంటున్న సమయం .. కథలు దర్శకుల ఎంపిక అనుకోని పొరపాట్లు కారణంగా బాక్సాఫీస్ దగ్గర ఘోర పరాజయాలు ఎదురయ్యాయి. రామయ్య వస్తావయ్య , రభస లాంటి భారీ డిజాస్టర్లు ఆయన ఖాతాలో పడ్డాయి .. చిన్న వయసులోనే సింహాద్రి లాంటి ఇండస్ట్రీ హిట్ అందుకున్న మా హీరోకు ఇలాంటి చేదు అనుభవాలు జరగడం చూసి అభిమానులు తెగ బాధపడ్డారు .. సరిగ్గా అదే సమయంలో అదిరిపోయే కాంబో టెంపర్ తో సెట్ అయింది ..
దర్శకుడు పూరీ జగన్నాథ్ సైతం ఆ సమయంలో డౌన్ ఫాల్లో ఉన్నాడు .. ఈ కలయిక ఊహించని విధంగా సాధ్యమైంది. ఇక ఈ ఫంక్షన్ లో ఎన్టీఆర్ మాట్లాడుతూ ఇకపై నందమూరి అభిమానులు కాలర్ ఎగరేసుకునేలా సినిమాలు చేస్తానని, గతంలో జరిగిన పొరపాట్లు ఇక జరగకుండా జాగ్రత్తగా ఉంటానని ఆ సభ వేదిక నుంచి అభిమానులకు హామీ ఇచ్చాడు .. నిజంగానే అప్పటినుంచి ఆయన చెప్పింది జరుగుతూ వచ్చింది . టెంపర్ నుంచి దేవర వరకు ఎన్టీఆర్ ఒక్క ఫ్లాఫ్ కూడా చూడలేదు. నాన్నకు ప్రేమతో , జనతా గ్యారేజ్ , జై లవకుశ అరవింద సమేత వీర రాఘవ వీటిలో ఏ ఒక్క సినిమా కూడా అభిమానులను ప్రేక్షకులను నిరాశపరచలేదు .. అలాగే రాజమౌళి దర్శకత్వంలో రామ్ చరణ్ తో కలిసి చేసిన త్రిబుల్ ఆర్ కూడా హాలీవుడ్ స్థాయి లో ఎన్టీఆర్ కు గ్లోబల్ స్టార్ గా గుర్తింపు తెచ్చిపెట్టింది..
ఇక ఇప్పుడు ఏకంగా బాలీవుడ్ లో వార్2 తో అక్కడ బాక్సాఫీస్ ను షేక్ చేయడానికి రెడీ అవుతున్నాడు. ఇలా తన 10ళ్ల సిని ప్రయాణంలో అభిమానులు కోరుకున్న దానికన్నా అధికంగా వారికి ఆనందాన్ని ఇచ్చాడు . ఆ సమయంలో ఎన్టీఆర్ ఏదైతే చెప్పాడో అదే ఇప్పుడు ఆయన పాటిస్తున్నాడు . ఎందులోనూ తొందరపాటు చూపించడం లేదు .. అలాగే వార్ 2 తర్వాత ప్రశాంత్ నీల్‌తో డ్రాగన్ సినిమాతో మరోసారి పాన్ ఇండియా బాక్సాఫీస్ ను టార్గెట్ గా పెట్టుకున్నాడు .. ఇలా వరుస పాన్ ఇండియా సినిమాలతో బాక్సాఫీస్ ను దున్నేయడానికి సిద్ధమవుతున్నాడు. అదే సమయంలో పైన టెంపర్ ఈవెంట్లో ఎన్టీఆర్ బాబాయ్ బాలకృష్ణ ప్రస్తావన తెచ్చి రాబోయే సినిమాల గురించి అభిమానుల్లో ఆనందాన్ని రేపటం కూడా విశేషం .. గతంలో జరిగిన కొన్ని జ్ఞాపకాలు ఎంతో మధురం .. కాల పరమతి దాటాక ప్రతి ఒక్కరికి అవి ఎంతో ప్రత్యేకంగా కనిపిస్తాయి.. పది సంవత్సరాల తర్వాత టెంపర్ వేదిక ఇప్పుడు అదే కోవలోకి వెళ్ళింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి