మెగాస్టార్ చిరంజీవి సినీ కెరీర్ లోనే ఎప్పటికీ మర్చిపోలేని సినిమా ఖైదీ.ఈ సినిమా ద్వారానే చిరంజీవి మెగాస్టార్ అయ్యారు అంటే అతిశయోక్తి కాదు. ఈ సినిమా మన తెలుగు ఇండస్ట్రీలోనే హై వోల్టేజ్ రివేంజ్ మూవీ గా పేరు తెచ్చుకుంది. అయితే అలాంటి ఖైదీ మూవీ వెనుక ఉన్న విశేషాలు ఏంటి..ఈ సినిమా ఎలా తెరకెక్కింది..ఈ సినిమా ఎన్ని రోజులు ఆడింది అనేది ఇప్పుడు చూద్దాం.. కోదండరామిరెడ్డి డైరెక్షన్లో ధనుంజయ రెడ్డి, నరస రెడ్డి, సుధాకర్ రెడ్డి,ఎస్.సుధాకర్ రెడ్డిలు సంయుక్తంగా నిర్మించిన ఖైదీ మూవీ వెనుక ఎన్నో విశేషాలు ఉన్నాయి. ఈ సినిమాని మరో ఐదు రోజుల్లో పూజ కార్యక్రమాలతో లాంచ్ చేద్దాం అనుకున్న సమయంలో కథ ఇంకా పూర్తి కాలేదు. ఇక సినిమా ఓపెనింగ్ కి ఐదు రోజులే ఉన్న కారణంగా స్టోరీ లేకుండా సినిమా ఎలా అని అందరూ గాబర పడ్డారట. అయితే వెంటనే పరుచూరి బ్రదర్స్ దగ్గరకు వెళ్లి కథ వెంటనే కావాలి అని చెప్పడంతో కేవలం 6 గంటల్లోనే ఖైదీ మూవీ స్టోరీ మొత్తం రాసిచ్చారట.

 ఆ తర్వాత మూడు రోజులకే ఈ సినిమాకి సంబంధించి సంభాషణలు పరుచూరి  బ్రదర్స్ ఇచ్చారు. ఇక వెంటనే ఖైదీ మూవీ స్టోరీని చిరంజీవికి చెప్పగా కేవలం 6 గంటల్లో ఇంత అద్భుతమైన కథ ఎలా రాశారు అని చిరంజీవి సైతం షాక్ ఆయ్యి కథ బాగా నచ్చిన చిరంజీవి వెంటనే షూట్ చేద్దాం అని చెప్పడంతో ఈ సినిమా షూటింగ్ స్టార్ట్ అయింది. హీరోయిన్ గా మాధవిని తీసుకున్నారు. అలా కోదండరామిరెడ్డి డైరెక్షన్లో వచ్చిన ఈ సినిమా 1983లో విడుదలైంది. ఈ సినిమా విడుదలైన సమయంలో తెలుగు రాష్ట్రాల్లో వర్షాలు జోరుగా కురుస్తున్నాయి.కానీ అంతటి వర్షాల్లో కూడా ఈ సినిమా చూడడానికి ప్రేక్షకులు థియేటర్లకి వెళ్లి సినిమాని భారీ హిట్ చేశారు.

ఈ మూవీ ఏకంగా 20 కేంద్రాల్లో వంద రోజులు ఆడి శత దినోత్సవాలను ఘనంగా జరుపుకుంది. అలాగే హైదరాబాదులోని శాంతి థియేటర్లో ఈ మూవీ ఏకంగా సంవత్సరం పాటు నిరంతరాయంగా ఆడింది.అలాగే విజయవాడలోని ఓ థియేటర్లో ఖైదీ మూవీ 81 రోజుల పాటు హౌస్ ఫుల్ బోర్డుతో బ్లాక్ బస్టర్ అయింది. అలా చిరంజీవిని ఈ సినిమా మెగాస్టార్ ని చేసింది.ఇక ఈ సినిమా శత దినోత్సవ వేడుకకి అక్కినేని నాగేశ్వరరావు గెస్ట్ గా వచ్చారు. ఇక ఈ ఈవెంట్ లో అక్కినేని నాగేశ్వరరావు చిరంజీవికి టాలీవుడ్ బ్రూస్లీ అని బిరుదు ఇచ్చారు. అలా మెగాస్టార్ చిరంజీవి సినీ కెరియర్ లో ఖైదీ మూవీ ఒక మైల్ స్టోన్ గా నిలిచిపోయింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

KHAIDI MOVIE MADHAVI KODANDA RAMIREDDY ANR

Pandrala Sravanthi

29/01/2025 09:57 AM