టాలీవుడ్ లో సూపర్ స్టార్ మహేష్ బాబు కెరీర్లో మొట్టమొదటి బ్లాక్ బస్టర్ హిట్ సినిమా ఏది అని చెప్పుకోవాలంటే ఒక్కడు సినిమా పేరు ప్రస్తావించుకోవాలి. 2003 సంక్రాంతి కానుకగా ప్రేక్షకుల ముందుకు వచ్చిన ఈ సినిమా మహేష్ బాబు కెరీర్ లో మొదటి బ్లాక్ బస్టర్ సినిమాగా రికార్డులకు ఎక్కింది. సుమంత్ ఆర్ట్ ప్రొడక్షన్స్ బ్యానర్ పై ఎమ్మెస్ రాజు నిర్మించిన ఈ సినిమాకు గుణశేఖర్ దర్శకత్వం వహించారు. మహేష్ బాబుకు జోడిగా భూమిక హీరోయిన్గా నటించిన మణిశర్మ స్వరాలు అందించారు. వాస్తవానికి ఈ సినిమా రిలీజ్ ముందు పెద్దగా అంచనాలు లేవు .. . . అప్పటికే ఎన్టీఆర్ ఆది - స్టూడెంట్ నెంబర్ 1 లాంటి రెండు సూపర్ డూపర్ హిట్ సినిమాలు కొట్టి ఉండటంతో ఒక్కడు సినిమాకు పోటీగా వచ్చిన నాగ మీద భారీ అంచనాలు ఉన్నాయి.
నాగ సినిమాను శ్రీ సూర్య మూవీ రత్నం నిర్మించారు. ఒక్కడు సినిమా విషయంలో ఎలాంటి అంచనాలు లేవు. ఎలాంటి అంచనాలు లేకుండా వచ్చిన ఒక్కడు సినిమా తొలి ఆటకే అదిరిపోయే బ్లాక్ బస్టర్ హిట్ సొంతం చేసుకుంది .మహేష్ బాబు కెరీర్ లోనే తొలి బ్లాక్ బస్టర్ హిట్ సినిమాగా చరిత్రలో నిలిచిపోయింది. ఆ రోజుల్లోనే 154 కేంద్రాలలో 50 రోజులు పూర్తి చేసుకుంది. డైరెక్టర్ రిలీజ్ లలో 100 కేంద్రాలలో వంద రోజులు ఆడిన ఒక్కడు సినిమా ... సెకండ్ రిలీజ్ లలో మరో 30 కేంద్రాలలో వంద రోజులు ఆడింది. ఓవరాల్ గా 130 కేంద్రాలలో ఒక్కడు సినిమా సెంచరీ కొట్టింది. హైదరాబాద్ సిటీలో తొలిసారిగా ఏడు కేంద్రాలలో వంద రోజులు ఆడిన సినిమాగా ఒక్కడు రికార్డులకు ఎక్కింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి