ఈ టైటిల్ వింటేనే చాలామంది మహేష్ బాబు ప్రియాంక చోప్రా అభిమానులకు షాకింగ్ గా అనిపిస్తుంది. ఎందుకంటే రీసెంట్ గా రాజమౌళి మహేష్ బాబుతో తెరకెక్కించే సినిమాకి సంబంధించి షూట్ స్టార్ట్ చేశాడు. దాంతో నో ఫోన్ పాలసీను కూడా మహేష్ బాబుకి చెప్పినట్టు తెలుస్తోంది.సెట్లో మహేష్ బాబు ఫోన్ వాడకూడదని కండిషన్లు పెట్టినట్టు వార్తలు వినిపిస్తున్నాయి. అయితే తాజాగా మహేష్ బాబు పాస్పోర్ట్ సీజ్ చేసినట్టు రాజమౌళి పెట్టిన పోస్ట్ కి ఎన్నో కామెంట్లు వచ్చాయి. ఇక రాజమౌళి షూటింగ్ సెట్ లోకి మహేష్ బాబు దిగిపోయాడని,ఇక మహేష్ బాబుకు మూడు నాలుగు సంవత్సరాలు వేరే సినిమాలు కష్టమే అంటూ ఎన్నో వార్తలు వినిపించాయి. అయితే ఈ సినిమాలో హీరోయిన్గా ప్రియాంక చోప్రా నటించబోతుందని,అందుకే విదేశాల నుండి ప్రియాంక చోప్రా ఇండియాకి వచ్చింది అంటూ ఎన్నో వార్తలు వినిపించాయి. అంతేకాకుండా రాజమౌళి పెట్టిన పోస్ట్ కి ఫైనల్లీ అని కామెంట్ కూడా పెట్టింది.దీంతో అందరూ ఈ సినిమాలో ప్రియాంక చోప్రా నే హీరోయిన్ అనుకుంటున్నారు.

అయితే చాలా రోజుల నుండి కూడా ఈ రూమర్ వినిపిస్తోంది.అయితే తాజాగా ఈ రూమర్ నిజమే అంటున్నారు. కానీ ఈ సినిమాలో ప్రియాంక చోప్రా హీరోయిన్ గా కాదు  అంటూ మరొక కొత్త రూమర్ తెరమీద వినిపిస్తోంది.ఇక అసలు విషయం ఏమిటంటే.. రాజమౌళి సినిమాలో మహేష్ బాబు సరసన ప్రియాంక చోప్రా నటిస్తుందని వార్తలు వస్తున్న నేపథ్యంలో సోషల్ మీడియాలో మహేష్ బాబు ఫ్యాన్స్ మాత్రం ప్రియాంక చోప్రాని హీరోయిన్గా ఒప్పుకునేదే లేదు అంటూ పెద్ద ఎత్తున పోస్టులు పెడుతున్నారు. అయితే మహేష్ బాబు అందం ముందు ప్రియాంక చోప్రా తేలిపోతుంది.ఆయనకు హీరోయిన్ లా కాకుండా అక్క పాత్రలో అయితే కరెక్ట్ గా సెట్ అవుతుంది అని కామెంట్లు పెడుతున్నారు.1000 కోట్ల ప్రాజెక్టులో మహేష్ బాబుకి అక్కలా ఉండే హీరోయిన్ ని పెడితే సినిమా ఎలా హిట్ అవుతుంది. అప్పట్లో ఖలేజా సినిమా వచ్చిన సమయంలో కూడా మహేష్ బాబుకి అక్కలా కనిపించే అనుష్కని హీరోయిన్గా తీసుకున్నారు. దాని రిజల్ట్ ఎలా ఉందో చూసాం.

ఇప్పుడు కూడా మహేష్ బాబు అందం ముందు తేలిపోయిన ప్రియాంక చోప్రాని హీరోయిన్గా తీసుకోవడం ఏమాత్రం బాగాలేదు.ఆమె అక్క పాత్రకైతేనే సెట్ అవుతుంది. ఇండోనేషియా నటి చెల్సియా అయితే మహేష్ బాబు సరసన హీరోయిన్గా సెట్ అవుతుంది కావచ్చు కానీ ప్రియాంక చోప్రా అయితే అస్సలు సెట్ అవ్వదు అంటూ కామెంట్లు చేస్తున్నారు. పెద్ద ఎత్తున ఈ పోస్టులు మీడియాలో వైరల్ అవ్వడంతో చాలామంది నెటిజెన్లు ప్రియాంక చోప్రాని హీరోయిన్గా కాకుండా అక్క పాత్రలో తీసుకోండి బాగుంటుంది అటు సజెషన్స్ ఇస్తున్నారు. అయితే ఇప్పటివరకు ప్రియాంక చోప్రానే హీరోయిన్ అని అఫీషియల్ గా  ప్రకటించకపోయినప్పటికీ ఆమెనే ఈ మూవీలో హీరోయిన్ అని తెలిసిపోయింది. అలాగే ఈ సినిమాలో ప్రియాంక చోప్రాని హీరోయిన్గా పెట్టుకుంటే బాలీవుడ్, హాలీవుడ్ లో కూడా సినిమాకి మంచి హైప్ వస్తుంది అని రాజమౌళి భావించినప్పటికీ ఇద్దరి మధ్య కెమిస్ట్రీ మాత్రం అస్సలు వర్కౌట్ అవ్వదు అని సోషల్ మీడియా జనాలు అంటున్నారు.మరి చూడాలి ఈ సినిమాలో ప్రియాంక చోప్రానే మెయిన్ హీరోయిన్ లేక మరెవరినైనా తీసుకుంటారా అనేది..
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

PRIYANKA CHOPRA RAJAMOULI CHELSIYA

Pandrala Sravanthi

29/01/2025 11:04 AM