నేచురల్ స్టార్ నాని దసరా, హాయ్ నాన్న వంటి చిత్రాలతో వరుస హిట్స్ సాధించి ఫుల్ ఫామ్‌తో ఇండస్ట్రీలో దూసుకుపోతున్నారు. ఇక గత ఏడాది ఆయన నటించిన సరిపోదా శనివారం సినిమా మిక్స్‌డ్ టాక్‌ను సొంతం చేసుకుంది.అయితే ఇందులో ప్రియాంక మోహన్ హీరోయిన్‌గా నటించగా ఎస్జే సూర్య కీలక పాత్రల్లో కనిపించారు. వివేక్ ఆత్రేయ దర్శకత్వంలో వచ్చిన ఈ సినిమాను డీవీవీ దానయ్య నిర్మించారు. గత ఏడాది ఆగస్ట్ 24న భారీ అంచనాలన మధ్య విడుదలై ప్రేక్షకులను మెప్పించలేకపోయింది.ప్రస్తుతం నాని హిట్-3 చిత్రంలో నటిస్తున్నారు. ఈ మూవీ అడివి శేష్ నటించిన హిట్-2 కు సీక్వెల్‌గా తెరకెక్కుతోంది. అయితే ఈ సినిమాకు శైలేష్ కొలను దర్శకత్వం వహిస్తున్నారు. ఇందులో శ్రీనిధి శెట్టి హీరోయిన్‌గా నటిస్తుండగా యూనిమస్ ప్రొడక్షన్స్‌ తో కలిసి వాల్ పోస్టర్ సినిమా బ్యానర్స్‌పై ప్రశాంతి తిపిర్నేని నిర్మిస్తున్నారు. దీనికి మిక్కీ మేయర్ సంగీతం అందిస్తున్నారు.అయితే షూటింగ్ శరవేగంగా జరుపుకుంటున్న ఈ చిత్రం మే1వ తేదీన ప్రపంచవ్యాప్తంగా విడుదల కానుంది. ఇప్పటికే మూవీ మేకర్స్ రిలీజ్ చేసిన పోస్టర్స్ ప్రేక్షకుల్లో భారీ అంచనాలు నెలకొన్నాయి. దీంతో ఈ హిట్-3 ఎప్పుడెప్పుడు వస్తుందా అని ఈగర్‌గా వెయిట్ చేస్తున్నారు.

ఈ నేపథ్యంలో తాజాగా, ఈ సినిమాకు సంబంధించిన ఓ పోస్ట్ సోషల్ మీడియాను షేక్ చేస్తోంది. అయితే ఇందులో టాలీవుడ్ మాస్ హీరో క్లైమాక్స్‌లో కనిపించనున్నట్లు టాక్. ఇక అతనితోనే హిట్-4 ఉండబోతున్నట్లు సమాచారం. ప్రస్తుతం ఈ పోస్ట్ ప్రేక్షకుల్లో హైప్ పెంచుతోంది. మాస్ హీరో అంటే రవితేజనే అని అంటున్నారు. ప్రస్తుతం ఈ పోస్ట్ నెట్టింట వైరల్ అవుతుండగా అది చూసిన వారంతా వావ్ సూపర్ అని అంటున్నారు.ఇప్పటికే మెగాస్టార్ చిరంజీవి, శ్రీకాంత్ ఓదెల కాంబినేషన్ లో తెరకెక్కబోయే సినిమాకి నిర్మాతగా  వ్యవహారిస్తున్న నాని, ఇప్పుడు రవితేజ తో కూడా సినిమా తీస్తుండడం ఆసక్తిని రేపుతున్న అంశం. ఇదిలావుండగా టాలెంట్, అదృష్టం, పైకి ఎదగాలి అనే కసి ఉంటే ఒక మనిషి ఏ రంగం లో అయిన సక్సెస్ అవ్వగలరు అనడానికి నిదర్శనం నాని అంటూ సోషల్ మీడియా లో నెటిజెన్స్ కామెంట్స్ చేస్తున్నారు. ఇదంతా పక్కన పెడితే ఆయన నిర్మాతగా వ్యవహరిస్తున్న హిట్ సిరీస్ లో రాబోయే రోజుల్లో ఇంకా పెద్ద స్టార్స్ కూడా చేరుతారట. ఈ సిరీస్ లోని చివరి సినిమా లో ఇప్పటి వరకు హిట్ సిరీస్ లో నటించిన హీరోలందరూ కనిపిస్తారని టాక్.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

29/01/2025 12:22 PM