అయితే నందమూరి బాలకృష్ణ తన కెరీర్ లో ఎన్నో సినిమాలలో నటించారు. వాటిలో అఖండ సినిమా రికార్డులు క్రియేట్ చేసింది. ఈ సినిమాకు బోయపాటి శ్రీను దర్శకత్వం వహించాడు. భారీ బడ్జెట్ తో రూపొందిన ఈ సినిమాను ద్వారక క్రియేషన్స్ బ్యానర్ పై మిరియాల రవీందర్ రెడ్డి నిర్మించారు. ఈ సినిమాలో బాలకృష్ణ సరసన హీరోయిన్ గా ప్రగ్యా జైస్వాల్ నటించింది. శ్రీకాంత్ నెగిటివ్ షేడ్ లో నటించాడు. తమన్ సంగీతాన్ని అందించాడు.
ఈ సినిమా 2021 డిసెంబర్ 2వ తేదీన విడుదలై భారీ కలెక్షన్లను రాబట్టింది. మొదటి షోతోనే హిట్ టాక్ తెచ్చుకున్న అఖండ సినిమా థియేటర్ల వద్ద దద్దరిల్లింది. చాలా రోజుల తర్వాత అఖండ సినిమాతో థియేటర్ల వద్ద పండగ వాతావరణం నెలకొంది. తెలుగు రాష్ట్రాలతో పాటు ఓవర్సీస్ లోను ఈ సినిమా కలెక్షన్ల పరంగా రికార్డులు క్రియేట్ చేసింది. సంక్రాంతి పండుగ రోజులలో ఈ సినిమా కొన్ని చోట్ల హౌస్ ఫుల్ కలెక్షన్లను అందుకుంది.
మొత్తానికి బాలకృష్ణ నటించిన అఖండ సినిమా జనవరి 20వ తేదీ నాటికి 50 రోజులు పూర్తి చేసుకుంది. గత పది ఏళ్లలో 50వ రోజల పోస్టర్ దాఖలాలు కనిపించడం లేదు. బాహుబలి తర్వాత అర్థశత దినోత్సవం జరుపుకున్న ఏకైక సినిమా ఆఖండ. ఈ సినిమా 103 కేంద్రాలలో 50 రోజులు విజయవంతంగా పూర్తి చేసుకుంది. తియేట్రికల్ గ్రాస్, నాన్ థియేట్రికల్ రెవెన్యూ పరంగా అఖండ సినిమా 200 కోట్ల కలెక్షన్లని రాబట్టింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి