మోస్ట్ బ్యూటిఫుల్ అండ్ వెరీ టాలెంటెడ్ నటీమణి అంజలి గురించి ప్రత్యేక పరిచయం అవసరం లేదు. ఈ బ్యూటీ తెలుగు సినిమాల ద్వారా సినిమా కెరియర్ను మొదలు పెట్టింది. కానీ ఈమెకు తెలుగు సినిమాల ద్వారా మంచి గుర్తింపు రాలేదు. ఆ తర్వాత ఈ బ్యూటీ తమిళ్ సినిమా ఇండస్ట్రీ వైపు ఆసక్తిని చూపించింది. అందులో భాగంగా ఈమె నటించిన తమిళ సినిమాలు మంచి విజయం సాధించడంతో ఈమెకు నటిగా మంచి గుర్తింపు వచ్చింది. ఆ తర్వాత అంజలికి తెలుగు సినిమాల్లో అవకాశాలు వచ్చాయి.

అందులో భాగంగా ఈమె సీతమ్మ వాకిట్లో సిరిమల్లె చెట్టు సినిమాలో వెంకటేష్ కి జోడిగా నటించింది. ఈ మూవీ మంచి విజయం సాధించడం , ఇందులో ఈమె తన నటనతో ప్రేక్షకులను ఆకట్టుకోవడంతో ఈమెకు తెలుగులో ఫుల్ క్రేజ్ వచ్చింది. ఆ తర్వాత నుండి ఈమెకు ఓ వైపు తమిళ్ మరో వైపు తెలుగు నుండి అవకాశాలు రావడంతో ఈ బ్యూటీ అద్భుతమైన జోష్ లో కెరీర్ ను ముందుకు సాగిస్తోంది. ఇకపోతే ఈమె ఈ మధ్య కాలంలో గీతాంజలి మళ్లీ వచ్చింది , గ్యాంగ్స్ ఆఫ్ గోదావరి , గేమ్ చేంజర్ అనే మూడు సినిమాలతో ప్రేక్షకుల ముందుకు వచ్చింది. ఈ మూడు సినిమాలు కూడా ఈ బ్యూటీకి నిరాశనే మిగిల్చాయి. ఇకపోతే ఈ నటి చాలా సంవత్సరాల క్రితం విశాల్ హీరోగా రూపొందిన మద గజ రాజ అనే సినిమాలో హీరోయిన్గా నటించింది. 12 సంవత్సరాల క్రితం పూర్తి అయిన ఈ సినిమా ఈ సంవత్సరం పొంగల్ కానుకగా తమిళ భాషలో విడుదల చేశారు.

ఈ మూవీ ఇప్పటికే తమిళ బాక్స్ ఆఫీస్ దగ్గర అద్భుతమైన విజయాన్ని అందుకుంది. ఇలా అనూహ్యంగా ఈ బ్యూటీ కి మద గజ రాజ సినిమా ద్వారా మంచి విజయం వచ్చింది. ఈ సినిమాను జనవరి 31 వ తేదీన తెలుగులో కూడా విడుదల చేయనున్నారు. మరి ఈ సినిమా తెలుగు ప్రేక్షకులను ఆకట్టుకున్నట్లయితే ఈ బ్యూటీ కి ఈ మూవీ ద్వారా తెలుగులో కూడా మంచి విజయం దక్కినట్లు అవుతుంది. మరి ఈ సినిమా తెలుగు ప్రేక్షకులకు ఏ స్థాయిలో ఆకట్టుకుంటుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

30/01/2025 12:16 PM