తెలుగు సినిమా పరిశ్రమలో నిర్మాతగా , డిస్ట్రిబ్యూటర్ గా కెరియర్ కొనసాగిస్తున్న వారిలో దిల్ రాజు ఒకరు. ఈయన తన కెరీర్లో ఎన్నో సినిమాలను నిర్మించి అద్భుతమైన విజయాలను అందుకున్నాడు. అలాగే ఎన్నో సినిమాలను డిస్ట్రిబ్యూటర్ గా వ్యవహరించి కూడా మంచి లాభాలను అందుకున్నాడు. ఇకపోతే దిల్ రాజు తాజాగా మెగా పవర్ స్టార్ రామ్ చరణ్ హీరో గా శంకర్ దర్శకత్వంలో రూపొందిన గేమ్ చేంజర్ అనే భారీ బడ్జెట్ పాన్ ఇండియా మూవీ ని నిర్మించిన విషయం మనకు తెలిసిందే.

ఈ సినిమాను ఆయన అత్యంత భారీ బడ్జెట్ తో నిర్మించగా ... భారీ అంచనాల నడమ విడుదల అయిన ఈ సినిమాకు నెగిటివ్ టాక్ వచ్చింది. దానితో ఈ మూవీ ద్వారా దిల్ రాజు కి భారీ ఎత్తున నష్టాలు వచ్చాయి అనే వార్తలు బలంగా వైరల్ అవుతున్నాయి. ఇక మరో కోణంలో మరి కొంత మంది దిల్ రాజు కి గేమ్ చేంజర్ మూవీ ద్వారా పెద్ద మొత్తంలో నష్టాలు ఏమీ రాలేదు. గేమ్ చేంజర్ సినిమాను దిల్ రాజు భారీ ధరకు అమ్ముకున్నాడు. కొన్ని ప్రాంతాల్లో మాత్రమే ఆయన ఈ సినిమాను ఓన్ గా రిలీజ్ చేశాడు. ఆయనకు ఈ సినిమా ద్వారా మామూలు నష్టాలు మాత్రమే వచ్చాయి అనే వాదనను కొంత మంది వినిపిస్తున్నారు. ఇకపోతే ఒక ఇంటర్వ్యూలో భాగంగా దిల్ రాజు నాకు 2017 వ సంవత్సరం ఓ రెండు సినిమాల ద్వారా ఏకంగా 25 కోట్ల నష్టం వచ్చినట్లు చెప్పుకొచ్చాడు.

అసలు విషయం లోకి వెళితే ... ఒకానొక ఇంటర్వ్యూలో భాగంగా దిల్ రాజు మాట్లాడుతూ ... 2017 వ సంవత్సరం పవన్ కళ్యాణ్ హీరో గా రూపొందిన అజ్ఞాతవాసి , మహేష్ బాబు హీరోగా రూపొందిన స్పైడర్ సినిమాలను భారీ ధరకు కొనుగోలు చేసి విడుదల చేశాను. ఆ రెండు సినిమాలకు నెగిటివ్ టాక్ రావడంతో భారీ ఎత్తున నష్టాలు వచ్చాయి. ఆ రెండు సినిమాల ద్వారా దాదాపు 25 కోట్లు నష్టపోయారు అని దిల్ రాజు చెప్పుకొచ్చాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

30/01/2025 12:58 PM