తెలుగు ఫిల్మ్ ఇండస్ట్రీలో ఎన్నో రికార్డులను తిరగరాసి మెగాస్టార్ అనిపించుకున్నారు చిరంజీవి. ప్రతినాయకుడిగా, క్యారెక్టర్ యాక్టర్ గా తెలుగు సినీ పరిశ్రమలో తన ప్రస్థానాన్ని ప్రారంభించిన మెగాస్టార్ చిరంజీవి స్వయంకృషితో సుప్రీంహీరోగా మారారు. అక్కడి నుంచి మెగాస్టార్ అయ్యారు. తన కుటుంబం నుంచి మరో నలుగురిని హీరోలుగా పరిచయం చేసి ఇప్పటికీ అభిమానులను అలరిస్తున్నారు. అయితే మెగాస్టార్ గా కొనసాగుతున్న తరుణంలో కూడా సినిమాలు క్లాప్ కొట్టుకొని అనివార్య కారణాలవల్ల ఆగిపోయిన సినిమాలున్నాయనే విషయం చాలామందికి తెలియదు. చిరంజీవి సినిమాలు మధ్యలో ఆగిపోవడం ఏమిటనే ప్రశ్న అందరిలో తలెత్తుతోంది. ఆ సినిమాలు ఏమిటనే వివరాలను తెలుసుకుందాం. కొన్ని షూటింగ్ జరుపుకున్న తర్వాత ఆగిపోగా, మరికొన్ని సెట్స్ పైకి రాలేదు. ఇంకొన్ని మాత్రం సెట్స్ పైకి వచ్చి ఆగిపోయాయి.ప్రముఖ దర్శకుడు సురేష్ కృష్ణతో భాషా సినిమా తర్వాత చిరంజీవి హాలీవుడ్ సినిమా చేయాల్సి ఉంది. అబూ బాగ్దాద్ గజదొంగ పేరుతో ఈ సినిమా ప్రారంభమైందికానీ ఇందులో ఓ మతానికి సంబంధించిన పుస్తకంపై వివాదం తలెత్తింది.

ఈ వివాదాన్ని నిర్మాతలు సరిగా పరిష్కరించలేకపోయారు. వీరు పరిశ్రమకు కొత్తవారు. దీంతో ఆ ప్రాజెక్టు అలా ఆగిపోయింది.పట్టాలెక్కలేదు. కొన్ని పోస్టర్లు తప్ప ఈ మూవీ నుంచి ఇంకేం రాలేదు.అబు బాగ్ధాద్ గజదొంగ చిత్రంలో ముస్లింల మనోభావాలను కించపరిచేలా సన్నివేశాలు ఉంటాయనే అభ్యంతరాలు వ్యక్తమయ్యాయి. ఖురాన్ పేపర్లను చింపి టీలో ముంచే సీన్ ఈ మూవీలో ఉంటుందని, వెంటనే ఈ చిత్రాన్ని ఆపేయాలని కొన్ని ముస్లిం సంఘాలు ఆందోళనలు కూడా చేపట్టాయి. కోర్టు వరకు ఈ అంశం వెళ్లింది. మొత్తంగా ఈ వివాదంతో అబు బాగ్ధాద్ గజదొంగ షూటింగ్ ఆగిపోయింది. సుమారు 20 శాతం షూటింగ్ జరిగినా.. రద్దయిపోయింది.ఒకవేళ.. హాలీవుడ్ భాగస్వామ్యం ఉన్న అబు బాగ్ధాద్ గజదొంగ వివాదాలు లేకుండా పూర్తయి.. రిలీజై ఉంటే 2000కు ముందే మెగాస్టార్ చిరంజీవి గ్లోబల్ స్టార్ అయ్యే అవకాశం మెండుగా ఉండేది. హాలీవుడ్ రేంజ్‍కు వెళ్లేవారు. అయితే, టాలీవుడ్‍లో ఇండస్ట్రీ హిట్‍ల మోత మోగించి అగ్రహీరోగా సుమారు మూడు దశాబ్దాలుగా కొనసాగారు చిరూ. కోట్లాది మంది అభిమానులను సొంతం చేసుకున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

30/01/2025 04:53 PM