మరో వారం రోజుల్లో విడుదలకు సిద్ధంగా ఉన్న తండేల్ మూవీకి భారీ ఎత్తున ప్రమోషన్స్ చేస్తున్నారు మూవీ మేకర్స్.. గీతా ఆర్ట్స్ బ్యానర్ పై బన్నీ వాసు అల్లు అరవింద్ నిర్మిస్తున్న తండేల్ మూవీలో సాయి పల్లవి నాగచైతన్యలు హీరో హీరోయిన్లు గా చేస్తున్నారు. అయితే ఈ కాంబోలో వీరిద్దరూ చేసేది ఇది రెండో సినిమా. నాగచైతన్యకి ఇది మూడో సినిమా కానీ నాగచైతన్య సాయి పల్లవి కాంబోలో ఈ నిర్మాణ స్టూడియోలో ఇప్పటికే లవ్ స్టోరీ మూవీ వచ్చి భారీ హిట్ కొట్టింది.అయితే వీరిద్దరి కాంబోలో ఇది రెండో మూవీ కాబట్టి మళ్ళీ హిట్ కొడుతుంది అనే నమ్మకం నిర్మాతల్లో ఉంది.ఇప్పటికే ఈ సినిమా చూసిన బన్నీ వాసు రాజులమ్మ జాతరే అన్నట్లుగా ఒక మంచి రివ్యూ ఇచ్చారు. డిస్టింక్షన్ లో పాస్ అయ్యాను అనుకుంటూ ఈయన ఇచ్చిన రివ్యూ చాలామందిని ఆకట్టుకుంది.అయితే సినిమా ఫిబ్రవరి 7న విడుదలకు సిద్ధమవ్వడంతో ఈ సినిమాకి సంబంధించి ప్రమోషన్స్ లో బిజీ అయ్యారు మూవీ మేకర్స్.

అయితే తాజాగా ఓ ఇంటర్వ్యూలో పాల్గొన్న డైరెక్టర్ చందు మొండేటి ఒక్క సీనుకే 18 కోట్లు ఖర్చు పెట్టాం అంటూ సినిమాపై భారీ హైప్ పెంచారు. మరి ఇంతకీ నాగచైతన్య సాయి పల్లవి కాంబోలో వచ్చిన ఏసీన్ కోసం 18 కోట్లు ఖర్చు పెట్టారో ఇప్పుడు చూద్దాం.. సముద్రం మత్సకారుడి బ్యాక్ డ్రాప్ లో వస్తున్న ఈ సినిమాకి సంబంధించిన ట్రైలర్ ఇప్పటికే చూసేసాం.మత్సకారుడు పాకిస్తాన్ కి వెళ్లి ఎలా పోరాడుతాడు వంటి సన్నివేశాలు కూడా చూసాం. అలాగే సాయి పల్లవి నాగచైతన్య మధ్య వచ్చే లవ్ స్టోరీ ని కూడా ట్రైలర్ లో చూసాం. అయితే ఈ సినిమాలోని ఒక సీన్ కోసం ఏకంగా 18 కోట్లు ఖర్చు పెట్టారట. ఈ సినిమాలో ఒక సన్నివేశాన్ని రియలిస్టిక్ గా తెరకెక్కించాలి అని సముద్రంలో లైవ్ లొకేషన్ లో మినియేచర్ గా, స్టూడియోలో,వర్చువల్ గా కొన్ని సన్నివేశాలను తెరకెక్కించారట.

అలా సముద్రంలో తుఫాను వస్తే మత్సకారుడు  సమయస్ఫూర్తితో ఎలా వ్యవహరిస్తాడు అనే సన్నివేశాలను సముద్రంలో లైవ్ గా లొకేషన్ పెట్టి తెరకెక్కించడంతో ఈ ఒక్క సీన్ కోసమే 18 కోట్లు ఖర్చయిందట. అయితే సినిమాకి ముందుగానే బడ్జెట్ అనుకున్నప్పటికీ ఆ తర్వాత అదరపు బడ్జెట్ అవుతుంది అని చెప్పడంతో ఈ సీన్ విని నిర్మాతలు కూడా ఓకే చెప్పినట్టు డైరెక్టర్ చందు మొండేటి చెప్పుకొచ్చారు. ఏది ఏమైనప్పటికీ ఒక్క సీన్ కోసం 18కోట్లు అంటే సినిమా ఎంత ప్రాణం పెట్టి తీశారో అర్థం చేసుకోవచ్చు అంటున్నారు ఈయన మాటలు విన్న నెటిజన్స్.మరి చూడాలి తండేల్ మూవీకి ఎంత రెస్పాన్స్ వస్తుందో
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

TANDEL MOVIE NAGA CHAITANYA SAI PALLAVI CHANDU MONDETI

Pandrala Sravanthi

31/01/2025 06:10 AM