టాలీవుడ్ యువ నటుడు నాగ చైతన్య గురించి ప్రత్యేక పరిచయం అవసరం లేదు. ఈయన ఇప్పటి వరకు ఎన్నో సినిమాలలో నటించి అందులో చాలా మూవీలలో మంచి విజయాలను అందుకున్నాడు. కానీ ఈ మధ్య కాలంలో మాత్రం నాగ చైతన్య నటించిన సినిమాలు భారీ విజయాలను బాక్సా ఫీస్ దగ్గర సొంతం చేసుకోలేదు. ఇకపోతే తాజాగా నాగ చైతన్య , చందు మండేటి దర్శకత్వంలో రూపొందిన తండాల్ అనే సినిమాలో హీరో గా నటించాడు. ఈ మూవీ లో సాయి పల్లవి హీరోయిన్గా నటించింది.

ఈ సినిమాను గీత ఆర్ట్స్ బ్యానర్ పై అల్లు అరవింద్ , బన్నీ వాసు భారీ బడ్జెట్ తో నిర్మించారు. ఈ మూవీ ని ఫిబ్రవరి 7 వ తేదీన ప్రపంచ వ్యాప్తంగా తెలుగు , తమిళ , హిందీ భాషలలో విడుదల చేయనున్నారు. ఈ సినిమా విడుదల తేదీ దగ్గర పడడంతో జనవరి 28 వ తేదీన ఈ సినిమాకు సంబంధించిన తెలుగు ట్రైలర్ను విడుదల చేశారు. ఇక నిన్న అనగా జనవరి 30 వ తేదీన ఈ సినిమా యొక్క తమిళ్ ట్రైలర్ ను విడుదల చేశారు. ఈ మూవీ తమిళ్ ట్రైలర్ ను కోలీవుడ్ ఇండస్ట్రీ లో మంచి గుర్తింపు కలిగిన హీరోలలో ఒకరు అయినటువంటి కార్తీ విడుదల చేశాడు. ఇక ఈ సినిమా యొక్క హిందీ ట్రైలర్ విడుదల మాత్రమే బ్యాలెన్స్ ఉంది.

ఇకపోతే ఈ మూవీ హిందీ ట్రైలర్ ను బాలీవుడ్ ఇండస్ట్రీ లో స్టార్ హీరోలలో ఒకరు అయినటువంటి అమీర్ ఖాన్ విడుదల చేయబోతున్నట్లు తెలుస్తోంది. అందుకు సంబంధించిన అధికారిక ప్రకటన కూడా త్వరలోనే రాబోతున్నట్లు తెలుస్తోంది. ఇకపోతే నాగ చైతన్య , చందు ముండేటి కాంబినేషన్ లో ఇప్పటికే సవ్యసాచి , ప్రేమమ్ అనే సినిమాలు వచ్చాయి. ఇది వీరి కాంబినేషన్లో మూడవ సినిమా. ఇక నాగ చైతన్య , సాయి పల్లవి కాంబినేషన్లో గతంలో లవ్ స్టోరీ అనే మూవీ వచ్చింది. ఈ సినిమా మంచి విజయాన్ని అందుకుంది. వీరి కాంబినేషన్లో ఇది రెండవ సినిమా.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Nc

Pulgam Srinivas

31/01/2025 08:32 AM