టాలీవుడ్ యువ నటుడు నాగ చైతన్య తాజాగా చందు మండేటి దర్శకత్వంలో రూపొందిన తండెల్ అనే సినిమాలో హీరో గా నటించిన విషయం మన అందరికీ తెలిసిందే. సాయి పల్లవి హీరోయిన్గా నటించిన ఈ మూవీ ని గీత ఆర్ట్స్ బ్యానర్ పై అల్లు అరవింద్ , బన్నీ వాసు నిర్మించగా ... రాక్ స్టార్ దేవి శ్రీ ప్రసాద్ ఈ సినిమాకు సంగీతం అందించాడు. ఈ మూవీ ని ఫిబ్రవరి 7 వ తేదీన ప్రపంచ వ్యాప్తంగా తెలుగు , తమిళ , హిందీ భాషలలో విడుదల చేయనున్నారు.

ఇకపోతే ఇప్పటి వరకు ఈ సినిమా నుండి మేకర్స్ విడుదల చేసిన ప్రచార చిత్రాలు , పాటలు ప్రేక్షకులను బాగా ఆకట్టుకోవడంతో ఈ సినిమాపై తెలుగు ప్రేక్షకులు మంచి అంచనాలు పెట్టుకున్నారు. ఇది ఇలా ఉంటే ఈ సినిమా విడుదల తేదీ దగ్గర పడడంతో ఈ మూవీ బృందం తాజాగా ఈ సినిమాకు సంబంధించిన సెన్సార్ పనులను పూర్తి చేసినట్లు , అలాగే ఈ మూవీ రన్ టైమ్ ను కూడా లాక్ చేసినట్లు తెలుస్తోంది. ప్రస్తుతం అందుతున్న సమాచారం ప్రకారం సెన్సార్ బోర్డు నుండి ఈ సినిమాకు యు / ఏ సర్టిఫికెట్ వచ్చినట్లు తెలుస్తోంది. అలాగే ఈ మూవీ బృందం ఈ సినిమాను 2 గంటల 32 నిమిషాల నిడివితో ప్రేక్షకుల ముందుకు తీసుకు రాబోతున్నట్లు సమాచారం.

ఇకపోతే జనవరి 28 వ తేదీన ఈ సినిమా యొక్క తెలుగు ట్రైలర్ను మేకర్స్ విడుదల చేశారు. ఈ సినిమా యొక్క తమిళ్ ట్రైలర్ను నిన్న అనగా జనవరి 30 వ తేదీన మేకర్స్ విడుదల చేశారు. ఇక మరికొన్ని రోజుల్లోనే ఈ మూవీ యొక్క హిందీ ట్రైలర్ ను కూడా విడుదల చేయడానికి మేకర్స్ సన్నాహాలు చేస్తున్నట్లు తెలుస్తుంది. ఈ మూవీ యొక్క తమిళ్ ట్రైలర్ ను తమిళ నటుడు కార్తీ విడుదల చేయగా , హిందీ ట్రైలర్ను హిందీ నటుడు అమీర్ ఖాన్ విడుదల చేయబోతున్నట్లు తెలుస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Nc

Pulgam Srinivas

31/01/2025 09:10 AM