టాలీవుడ్ లో యంగ్ హీరో నితిన్ గురించి ప్రత్యేకంగా పరిచయం అవసరం లేదు. రెండు దశాబ్దాల క్రిందట తేజ దర్శకత్వంలో 2003లో వచ్చిన జయం సినిమాతో టాలీవుడ్ కు హీరోగా పరిచయం అయ్యాడు. ఈ సినిమాతోనే హీరోయిన్ సదా వెండితెరకు పరిచయం అయింది. తొలి సినిమాతోనే సూపర్ హిట్ కొట్టిన నితిన్ కెరీర్ ఆ తర్వాత పడుతూ లేస్తూ వస్తోంది. ఒక హిట్టు వస్తే మూడు నాలుగు సినిమాలు పడుతున్నాయి. ఒకానొక టైం లో నితిన్ వరుసగా 13 ప్లాప్ సినిమాలలో నటించారు. అసలు ఇంత చెత్త రికార్డు టాలీవుడ్ లో ఏ హీరోకు లేదు. అసలు ఈ రికార్డు ఏ హీరో అయినా బ్రేక్ చేస్తాడా అని అందరూ అనుకుంటున్న టైంలో మరో యంగ్ హీరో వరుణ్ సందేశ్‌ అంతకుమించిన ప్లాపుల‌తో నితిన్ చెత్త రికార్డును బ్రేక్ చేశాడు. ఇక తాజాగా నితిన్ హిట్ ఇచ్చి ఐదు ఏళ్ళు దాటుతోంది.
నితిన్ ఒక్క హిట్టు ఎప్పుడు కొడతాడా అని టాలీవుడ్ మొత్తం కళ్ళు కాయలు కాచేలా ఎదురుచూస్తోంది ఎంతమంది మంచి డైరెక్టర్ తో కలిసి పని చేసిన పెద్ద బ్యానర్లలో పనిచేస్తున్న కూడా నితిన్ కు కాలం కలిసి రావటం లేదు. నితిన్ పరిస్థితి కూడా దాదాపు ఇలానే ఉంది. 2020 లో వచ్చిన భీష్మ సినిమా తరువాత ఒక్క సినిమా అయినా సాలిడ్ గా సాధించింది లేదు. అప్పటి నుంచి వరుసగా చెక్ - రంగ్ దే - మ్యాస్ట్రో - మాచర్ల నియోజకవర్గం - ఎక్స్ ట్రార్డినరీ మ్యాన్ లాంటి డిఫరెంట్ కాన్సెప్ట్ లను తీసుకువచ్చాడు. కాని ఏ సినిమా హిట్ అవ్వలేదు. దాంతో మరోసారి రాబిన్ హుడ్ , తమ్ముడు సినిమాలతో రాబోతున్నాడు. మరి ఇప్పుడైనా ప్లాప్ లకు బ్రేక్ లు వేస్తాడా లేదా చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి