నందమూరి నట‌సింహ బాలకృష్ణ వరుస సూపర్ డూపర్ హిట్ సినిమాలతో దూసుకుపోతున్నారు. వరుసగా అఖండ - వీర సింహారెడ్డి - భగవంత్‌ కేసరి తాజాగా ఈ సంక్రాంతికి డాకు మహారాజు సినిమాతో ప్రేక్షకుల ముందుకు వచ్చి వరుసగా నాలుగో సూపర్ డూపర్ హిట్ సినిమాలు తన ఖాతాలో వేసుకున్నారు. ఇక డాకు మహారాజు సినిమాను దర్శకుడు కొల్లి బాబి డైరెక్ట్ చేసిన సంగతి తెలిసిందే. ఈ సినిమా బాలయ్య కెరీర్ లోనే అత్యధిక వసూలు రాబట్టిన సినిమాగా రికార్డుల్లో నిలిచింది. ఇక రవితేజ హీరోగా వచ్చిన పవర్ సినిమాతో మెగా ఫోన్ పెట్టి దర్శకుడుగా మారిన రచయిత బాబి మెగాస్టార్ చిరంజీవితో వాల్తేరు వీరయ్య .. తాజాగా బాలకృష్ణతో డాకు మహారాజు సినిమాలు తెరకెక్కించి రెండు వరుస సూపర్ డూపర్ హిట్ సినిమాలతో ఫుల్ ఫామ్ లో ఉన్నారు. డాకు మహారాజు సినిమాలో బాలయ్యను బాబి తెరమీద ప్రజెంట్‌ చేసిన తీరు కు బాలయ్య నందమూరి అభిమానులతో పాటు ప్రతి ఒక్క తెలుగు సినిమా అభిమాని ఫిదా అయిపోతున్నారు.
బాలయ్య లాంటి మాస్ హీరోను అంత స్టైలిష్ గా అద్భుతంగా తెరమీద చూపించిన తీరు సూపర్ అని కొనియాడుతున్నారు. ఇది ఇలా ఉంటే బాలయ్య తో అదిరిపోయే హిట్ కొట్టిన .. బాబి ఇప్పుడు బాలయ్యతోనే మరో సినిమా తెర‌కెక్కించాలని ఆలోచనతో ఉన్నట్టు తెలుస్తోంది. బాలయ్యను మరో అవకాశం ఇవ్వాలని ఎప్పటికే బాబీ కోరగా .. అందుకు బాలయ్య కూడా ఓకే చెప్పినట్టు సమాచారం. ప్రస్తుతం బాలయ్య బోయపాటి శ్రీను దర్శకత్వంలో అఖండ 2 - తాండవం .. ఆ తర్వాత మలినేని గోపీచంద్ దర్శకత్వంలో మరో సినిమాలో నటిస్తారు. ఆ తర్వాత మళ్లీ బాబి - బాలయ్య కాంబినేషన్లో సినిమా పట్టాలు ఎక్కే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి