నాగచైతన్య, సాయిపల్లవి జంటగా నటిస్తోన్న తండేల్ మూవీ ఫిబ్రవరి 7న రిలీజ్ కాబోతోంది. చందూ మొండేటి దర్శకత్వం వహిస్తున్న ఈ మూవీని జీఏ2 ఆర్ట్స్ సంస్థ నిర్మిస్తోంది.తండేల్ రిలీజ్‌కు మరో ఏడు రోజులు మాత్రమే టైమ్ ఉండటంతో సినిమా యూనిట్ భారీగా ప్రమోషనల్ ఈవెంట్స్ ప్లాన్ చేస్తోంది.ఈవెంట్స్‌లో పలువురు స్టార్ హీరోలు గెస్టులుగా సందడి చేయబోతున్నట్లు తెలుస్తోంది.తండేల్ తెలుగుతో పాటు తమిళం, హిందీ భాషల్లో రిలీజ్ అవుతోంది. మూడు భాషలకు తగ్గట్లుగా ప్రమోషన్స్ భారీగా నిర్వహించబోతున్నారు. తండేల్ తమిళ ట్రైలర్ లాంఛ్ ఈవెంట్ గురువారం చెన్నైలోజరిగింది. ఈ తమిళ ట్రైలర్‌ను కోలీవుడ్ అగ్ర హీరో కార్తి రిలీజ్ చేశారు. ఇదిలావుండగా రాక్ స్టార్ దేవి శ్రీ ప్రసాద్ స్వరపరిచిన 'బుజ్జి తల్లి, శివ శక్తి, హైలెస్సో హైలెస్సా' పాటలు మ్యూజిక్ చార్టులలో టాప్ ప్లేస్‌లో, అలాగే యూట్యూబ్‌లో ట్రెండింగ్‌లో ఉన్నాయి. తాజాగా రిలీజైన ఈ సినిమా ట్రైలర్ కు కూడా మంచి స్పందన లభిస్తోంది. 

ఈ నేపథ్యంలోనే మూవీ మేకర్స్ హిందీ బెల్ట్ లోను ట్రైలర్ రిలీజ్ చేసేందుకు సిద్ధమయ్యారు.ఈ క్రమంలో శుక్రవారం తండేల్ హిందీ వెర్షన్‌కు సంబంధించి ఓ గ్రాండ్ ఈవెంట్ ముంబైలో జరుగనుంది. ఈ విషయాన్ని ఇప్పటికే తండేల్ మేకర్స్ అఫీషియల్‌గా అనౌన్స్‌చేశారు ఈ ప్రమోషనల్ ఈవెంట్‌కు బాలీవుడ్ స్టార్ హీరో ఆమిర్‌ఖాన్ గెస్ట్‌గా హాజరుకున్నాడు. ఈ ఈవెంట్‌లోనే తండేల్ హిందీ ట్రైలర్‌ను ఆమిర్‌ఖాన్ లాంఛ్ చేయబోతున్నట్లు సమాచారం.అయితే హీరో నాగ చైతన్య కూడా ఇప్పటికే బాలీవుడ్ మిస్టర్ పర్ఫెక్ట్ ఖాన్ 'అమీర్ ఖాన్' 'లాల్ సింగ్ చద్దా'లో కీలక పాత్రలో నటించి పర్వాలేదనిపించాడు. ఈ క్రమంలోనే అమీర్, చైతూల మధ్య మంచి అనుబంధం ఏర్పడింది. దీంతో 'తండేల్' మేకర్స్ ఈ సినిమా హిందీ ట్రైలర్ ని శుక్రవారం అమీర్ ఖాన్ చేతుల మీదుగా లాంఛ్ చేయించనున్నారు. మరి రూ. 70 కోట్ల భారీ బడ్జెట్ తో తెరకెక్కుతున్న ఈ పాన్ ఇండియన్ సినిమా చైతన్య కెరీర్ లో ఎంతో కీలకంగా మారనుంది.చూడాలి మరి నార్త్ లో నాగచైతన్య కు ఎలాంటి గుర్తింపు లభిస్తుందో.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

31/01/2025 10:40 AM