ఇక తాజాగా డైరెక్టర్ ప్రశాంత్ నీల్ దర్శకత్వంలో రాబోతున్న సలార్ 2 సినిమా గురించి ప్రముఖ నటుడు పృథ్వీరాజ్ సుకుమారన్ ఓ మీడియా వేదికగా చాలా ఆసక్తికరమైన అంశాలను వెల్లడించారు. ఈ సినిమాలో ప్రభాస్ స్నేహితుడి పాత్రలో పృథ్వీరాజ్ నటించిన సంగతి తెలిసిందే. తాజాగా ఆయన మాట్లాతూ... సినిమా స్క్రిప్ట్ పనులన్నీ పూర్తి అయ్యాయని, అతి త్వరలోనే సలార్ 2 షూటింగ్ ప్రారంభం కాబోతుందని వెల్లడించారు. అంతేకాకుండా సలార్ సినిమా ద్వారా ప్రభాస్ తనకు చాలా మంచి స్నేహితుడు అయ్యారు అని చెప్పుకొచ్చాడు. ఈ క్రమంలోనే ఒక ఆసక్తికరమైన విషయాన్ని చెప్పుకొచ్చాడు.
హీరోగా ప్రభాస్ కి ఉన్న స్టార్ డమ్ గురించి ఆయనకు అస్సలు తెలియదని, నాకు తెలిసినంతవరకు ప్రభాస్ కనీసం సోషల్ మీడియా కూడా ఉపయోగించరు అంటూ చెప్పుకొచ్చాడు. ప్రభాస్ మొత్తంగా ప్రవైట్ పర్సన్ అని, కేవలం తన మనసుకి దగ్గరగా ఉన్నవారితో మాత్రమే అన్ని విషయాలను ప్రస్తావిస్తూ ఉంటారు అంటూ పృథ్వీరాజ్ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇక మీరు ఎస్ఎస్ఎంబి 29 సినిమాలో నటించబోతున్నారంట కదా అనే ప్రశ్న సదరు జర్నలిస్ట్ అడగడంతో ఇప్పటివరకు ఈ విషయం నాకైతే తెలియదు! నాకంటే బాగా మీకే అన్ని తెలిసాయి! అంటూ చమత్కరించారు. ఇంకా ఏదీ స్పష్టత రాలేదని, ఇంకా చర్చలు దశలోనే ఉందని, ఫైనల్‌ అయ్యాక దీని గురించి మాట్లాడుకుందాం! అంటూ పృథ్వీ రాజ్ చేసిన కామెంట్స్ వైరల్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి