జనవరి టాలీవుడ్ బాక్సాఫీస్ కి చాలా కీలకము. సంక్రాంతి లాంటి పెద్ద సీజన్ వచ్చేది జనవరి నెలలోనే.. ఈ ఏడాది జనవరి నెల తొలి వారంలో చెప్పుకోదగ్గ సినిమాలో లేవు.  కథా కమామిషు, డ్రీం క్యాచర్, బ్రేక్ అవుట్, నీలి మేఘ శ్యామా లాంటి చిన్న సినిమాలను ఎవ్వ‌రూ ప‌ట్టించుకోలేదు. మెగా ప‌వ‌ర్ స్టార్ రామ్ చరణ్ గేమ్ ఛేంజర్ తో సంక్రాంతి సందడి మొదలైయింది. జనవరి 10న వచ్చిన ఈ సినిమా అతి పెద్ద డిజాస్ట‌ర్ అయ్యింది. ఇక వ‌రుస హిట్ల‌తో కెరీర్ లో నే ఫుల్ స్వింగ్ లో ఉన్న నంద‌మూరి న‌ట‌సింహం బాలకృష్ణ డాకు మహారాజ్ తో వచ్చారు. బాల‌య్య స్టైల్ మాస్ రెగ్యులర్ బాలయ్య సినిమాలకు కాస్త భిన్నంగా తెరకెక్కించాడు దర్శకుడు బాబీ.


విక్రం -  ఖైదీ తరహలో స్టయిలీష్ యాక్షన్ విజువల్స్, మాస్ ఎలిమెంట్స్ కొత్త అనుభూతిని పంచాయి. బేసిక్ గా బాలయ్య అంటే వీరమాస్ గా .. ఊర‌మాస్ గా చూపించడానికి మొగ్గు చూపుతారు దర్శకులు. కానీ బాబీ మాత్రం బాలయ్యని స్టయిలీష్ గా ప్రజెంట్ చేయడం ఆయన అభిమానులు కూడా పిచ్చ పిచ్చ‌గా నచ్చింది. సినిమా పైసా వసూల్ వినోదాన్ని అందించి బాల‌య్య కెరీర్ లోనే అత్య‌ధిక వ‌సూళ్లు రాబ‌ట్టిన సినిమాగా నిలిచింది.


ఇక బాక్సాఫీసు పరంగా సంక్రాంతి విన్నర్ గా  విక్ట‌రీ వెంకటేష్ ‘సంక్రాంతి వస్తున్నాం’  సినిమా నిలిచింది. ద‌ర్శ‌కుడు అనిల్ రావిపూడి తెరకెక్కించిన ఈ సినిమా అనూహ్య విజయం సాధించింది. దిల్ రాజు కి గేమ్ ఛేంజ‌ర్ న‌ష్టాలు అన్నీ ఈ సినిమా తో భ‌ర్తీ అయిపోయాయి. సినిమా రిలీజ్ కు ముందే పాటలు జనాల్లోకి వెళ్ళడం, ఫ్యామిలీ ఎలిమెంట్స్, సంక్రాంతి సీజన్.. ఇవన్నీ ఈ సినిమాకి కలిసొచ్చాయి. ఏదేమైనా టాలీవుడ్‌లో జ‌న‌వ‌రి మంచి ఊపు ఇచ్చింది. ఇదే ఊపు ఈ యేడాది పెద్ద సినిమాలు కూడా హిట్ అయ్యి కొన‌సాగిస్తే 2025 టాలీవుడ్‌లో సెన్షేష‌న్ అవుతుంద‌న‌డంలో సందేహం లేదు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RAMAKRISHNA S.S.

01/02/2025 08:03 AM