అందులో సినిమాని తలపించిన బాబీ లవ్ స్టోరీ ఒకటి. ఇండస్ట్రీలో నిలదొక్కుకోవడానికి ఇబ్బంది పడుతున్న సమయంలోనే బాబీ లవ్ మ్యారేజ్ చేసుకున్నాడని మీలో ఎంతమందికి తెలుసు? ప్రముఖ చెస్ ప్లేయర్ హారిక సోదరి అనూషను బాబీ ఘోస్ట్ రైటర్‌గా పనిచేస్తున్న సమయంలోనే ప్రేమించి పెళ్లి చేసుకున్నాడు. ఓ ఇంటర్వ్యూలో తన లవ్ స్టోరీ గురించి, తన భార్య గొప్పదనం గురించి బాబీ మాట్లాడగా ప్రస్తుతం అతని ప్రేమకథ సోషల్ మీడియాలో వైరల్ అవుతోంది.
బాబీ తన భార్య గురించి మాట్లాడుతూ... "నా పెళ్లి విషయంలో నేను చాలా అదృష్టవంతుణ్ణి. నేను ఎలాంటి సినిమాలు తీస్తానో, ఏం చేస్తానో కూడా తను సీరియస్‌గా తీసుకోదు. స్కూల్ డేస్‌లోనే నేను తనను ప్రేమించాను. వాటర్ బాటిల్‌ షేర్ చేసుకోవడంతో మొదలైన మా స్నేహం ప్రేమగా మారింది. హైదరాబాద్ వచ్చాక తను ఇంజినీరింగ్ చదివింది. గోల్డ్ మెడలిస్ట్ కూడా. ఆ తర్వాత వేలూరులో ఎంటెక్ చదివింది. అక్కడా గోల్డ్ మెడలిస్టే. కానీ తను అంత చదువరి అయినా.. ఏమీ లేని బాబీని పెళ్లి చేసుకోవాలని అనుకుంది. అందుకే తనంటే నాకు ప్రాణం. వాళ్లది పెద్ద ఫ్యామిలీ అయినప్పటికీ, అనూష నన్ను ప్రేమించిందని, ఎవరేమనుకున్నా పర్వాలేదని నాకిచ్చి పెళ్లి చేశారు వారి తల్లిదండ్రులు. అప్పటికి కూడా నేను స్టార్ డైరెక్టర్ కాదు. కనీసం రైటర్‌గా నాకు సోలో కార్డ్ కూడా పడలేదు. కానీ అందరూ నన్ను నమ్మారు. అది ఇప్పటికీ నా అదృష్టం అనిపిస్తుంది." అని చెప్పుకొచ్చాడు బాబీ.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి