కథ విషయానికొస్తే... కొందరు భారత జాలర్లు అనుకోకుండా పాక్ భూభాగంలోకి వెళ్లడం, పాక్ కోస్ట్ గార్డ్స్ వారిని అదుపులోకి తీసుకోవడం తదితర పరిణామాల నేపథ్యంలో ఈ మూవీని తెరకెక్కించింది చిత్ర బృందం. కాగా ఆదివారం హైదరాబాద్‌లో జరిగిన ప్రీ రిలీజ్ ఈవెంట్‌కు రియల్ తండేల్ రాజ్(తండేల్ రామారావు) హాజరై అందరికీ ఆశ్చర్యపరిచారు. తన కుటుంబంతో కలిసి ఈ కార్యక్రమంలో పాల్గొన్నారు. ఈ సందర్భంగా సముద్రంలో వేటకు వెళ్లినప్పుడు జరిగిన కొన్ని సంఘటనలను రామారావు చెప్పుకు రావడం జరిగింది.
ఈ సందర్భంగా పాకిస్తాన్ జైలులో ఎలాంటి కష్టాలు పడ్డారనే విషయాలను గుర్తు చేసుకున్నారు. ఆయన మాట్లాడుతూ... ‘తండేల్ అంటే లీడర్ అని అర్థం. మిగతా జాలరులు అందరూ ఆ తండేల్ ను అనుసరిస్తారు. ఎన్ని ఎక్కువ చేపలు పడితే అంత పేరు అతనికి వస్తుంది. వేటకు వెళ్లేముందు ఇదే లాస్ట్ ట్రిప్! అని నా భార్యకు చెప్పి వెళ్లాను. అప్పుడు ఆమె 7 నెలల గర్భిణి. 29 రోజులు సముద్రంలో వేట బాగానే సాగింది. అయితే వెనక్కి తిరిగి రావాలని అనుకున్నపుడు అనుకోకుండా పాకిస్థాన్ సముద్ర జలాల్లోకి వెళ్లిపోయాం. దీంతో పాకిస్తాన్ కోస్ట్ గార్డ్స్ అరెస్టు చేసారు. ఈ క్రమంలో అక్కడే దాదాపు 17 నెలలపాటు జైలులో మగ్గిపోయాం. అయితే ధైర్యంగా పోరాడాం కాబట్టే పాకిస్తాన్ జైలు నుంచి బయటకు వచ్చాం!’ అని అప్పటి క్షణాలను గుర్తు చేసుకున్నారు తండేల్ రామారావు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి