కాబట్టి వీరి కాంబోకి ఓ సెంటిమెంట్ ఉంది. దాంతో అఖండ 2 తో డబుల్‌ హ్యాట్రిక్ ఖాయం అని ఫ్యాన్స్‌తో పాటు ప్రేక్షకులు నమ్మకంగా చెబుతున్నారు. సనాతన ధర్మం నేపథ్యంలో రూపొందుతున్న ఈ సినిమాపై అంచనాలు భారీగానే నెలకొన్నాయి. సదరు సినిమాలో అఘోరాగా బాలకృష్ణను అఖండలో చూపించిన బోయపాటి అఖండ 2 లో ఇంకా ఎలా చూపిస్తాడా? అనే చర్చ సత్వత్రా నడుస్తోంది. ఆ సస్పెన్స్‌కి తెర దించుతూ అఖండ 2 ఫస్ట్‌లుక్‌ను రిలీజ్ చేసేందుకు గాను ఏర్పాట్లు జరుగుతున్నట్లు తెలుస్తోంది. అవును, మహా శివరాత్రి సందర్భంగా ఈనెల 26న 'అఖండ 2' ఫస్ట్‌లుక్‌ను విడుదల చేయబోతున్నట్లు మేకర్స్ సమాచారం ఇచ్చారు.
ఇకపోతే ఈ సినిమా విషయంలో ఫస్ట్‌లుక్ మొదలుకుని ప్రతి విషయంలోనూ జాగ్రత్త వహిస్తున్నట్టు తెలుస్తోంది. అఖండ కథకు కొనసాగింపుగానే అఖండ 2 కథ ఉంటుందని ఇప్పటికే చిత్ర యూనిట్‌ సభ్యులు తెలియజేశారు. లుక్ విషయంలో చాలా జాగ్రత్తలు తీసుకున్న తర్వాతే బోయపాటి షూటింగ్‌ మొదలు పెట్టారని కూడా తెలుస్తోంది. ఈ సినిమాలో బాలకృష్ణకు జోడీగా ప్రగ్యా జైస్వాల్‌ నటిస్తూ ఉండగా... సంయుక్త మీనన్‌ సైతం ఈ సినిమాలో కీలక పాత్రలో కనిపించబోతుంది. బోయపాటి గత చిత్ర ఫలితం నేపథ్యంలో ఈ సినిమాపై మరింత శ్రద్ద పెట్టినట్లు యూనిట్‌ సభ్యులు చెబుతున్నారు. బాలకృష్ణ ఉన్న ప్రస్తుత ఫామ్ నేపథ్యంలో ఈ సినిమా కచ్చితంగా మంచి విజయాన్ని నమోదు చేస్తుందని విశ్లేషకులు అంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి