టాలీవుడ్ ఇండస్ట్రీ లో సీనియర్ స్టార్ హీరోలలో ఒకరు అయినటువంటి మెగాస్టార్ చిరంజీవి ప్రస్తుతం మల్లాడి వశిష్ట దర్శకత్వంలో రూపొందుతున్న విశ్వంభర అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ మూవీ తర్వాత చిరంజీవి , అనిల్ రావిపూడి దర్శకత్వంలో సినిమా చేయబోతున్నాడు. ఈ మూవీ ని సాహు గారపాటి నిర్మించబోతున్నాడు. ఇప్పటికే ఈ విషయంపై అనేక సార్లు అనిల్ రావిపూడి , సాహు గారపాటి స్పందించారు.

ఇంత కాలం పాటు చిరంజీవి మాత్రం ఈ సినిమా గురించి పెద్దగా స్పందించలేదు. ఇకపోతే తాజాగా విశ్వక్ సేన్ "లైలా" అనే సినిమాలో హీరో గా నటించిన విషయం మన అందరికీ తెలిసిందే. ఈ సినిమాను ఫిబ్రవరి 14 వ తేదీన విడుదల చేయనున్నారు. ఈ మూవీ ని సాహో గారపాటి నిర్మించారు. ఇక నిన్న ఈ మూవీ బృందం ఈ సినిమాకు సంబంధించిన ఫ్రీ రిలీజ్ ఈవెంట్ ను నిర్వహించింది. ఇక ఈ మూవీ ప్రి రిలీజ్ ఈవెంట్ కు మెగాస్టార్ చిరంజీవి , అనిల్ రావిపూడి ముఖ్య అతిథులుగా విచ్చేశారు. ఇక ఈ ఈవెంట్ లో భాగంగా చిరంజీవి మాట్లాడుతూ ... నా తదుపరి మూవీ ని అనిల్ రావిపూడి దర్శకత్వంలో సాహూ గారపాటి నిర్మాణంలో చేయబోతున్నాను. ఈ సినిమా నా పాత సినిమాల మాదిరిగా ఉండబోతుంది. అందులో అద్భుతమైన కామెడీ ఉండబోతోంది.

ఇప్పటికే ఆ సినిమాకు సంబంధించిన కొన్ని సన్నివేశాలను అనిల్ నాకు చెప్పాడు ... అవి అద్భుతంగా అనిపించాయి. ఎప్పుడు సినిమా షూటింగ్ స్టార్ట్ అవుతుందా అని ఎంతో ఆత్రుతగా ఎదురు చూస్తున్నాను. ఈ మూవీ షూటింగ్ ఈ సంవత్సరం సమ్మర్ లో స్టార్ట్ కాబోతోంది అని చిరంజీవి చెప్పాడు. ఇలా చిరు తన నెక్స్ట్ మూవీ కి సంబంధించిన అనేక విషయాలను చెప్పడంతో ప్రస్తుతం మెగా ఫ్యాన్స్ ఫుల్ ఖుషి అవుతున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chiru

Pulgam Srinivas

10/02/2025 08:52 AM