తెలుగు సినీ పరిశ్రమలో నటుడిగా , దర్శకుడిగా తనకంటూ ఒక మంచి గుర్తింపును సంపాదించుకున్న వారిలో విశ్వక్ సేన్ ఒకరు. ఈయన ఈ నగరానికి ఏమైంది అనే మూవీ తో మంచి విజయాన్ని అందుకొని మంచి గుర్తింపును కూడా సంపాదించుకున్నాడు. ఇకపోతే ఈయన ఫలక్ నామా దాస్ అనే సినిమాలో హీరోగా నటించి , ఆ సినిమాకు దర్శకత్వం కూడా వహించి నటుడిగా , దర్శకుడిగా మంచి క్రేజ్ ను సంపాదించుకున్నాడు.

ఇకపోతే తాజాగా విశ్వక్ సేన్ "లైలా" అనే సినిమాలో హీరో గా నటించాడు. ఇకపోతే ఈ సినిమాలో విశ్వక్ రెండు డిఫరెంట్ షేడ్స్ కలిగిన పాత్రలలో కనిపించబోతున్నాడు. ఈ సినిమాలో విశ్వక్ స్టైలిష్ కుర్రాడి పాత్రలోనూ ,  అమ్మాయి గెటప్ లో కనిపించబోతున్నాడు. ఇలా కెరియర్లో మొట్ట మొదటి సారి విశ్వక్ అమ్మాయి గెటప్ లో కనిపించనున్న సినిమా కావడంతో ఈ మూవీ పై ప్రేక్షకులు మంచి అంచనాలు పెట్టుకున్నారు. ఈ మూవీ ని ఫిబ్రవరి 14 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో తాజాగా ఈ మూవీ బృందం వారు ఈ సినిమాకు సంబంధించిన సెన్సార్ కార్యక్రమాలను పూర్తి చేశారు. అలాగే ఈ మూవీ కి సంబంధించిన రన్ టైమ్ ను కూడా లాక్ చేశారు. ప్రస్తుతం అందుతున్న సమాచారం ప్రకారం ఈ మూవీ కి సెన్సార్ బోర్డు సభ్యుల నుండి "ఏ" సర్టిఫికెట్ వచ్చినట్లు తెలుస్తోంది. అలాగే ఈ మూవీ ని 2 గంటల 16 నిమిషాల నిడివితో ప్రేక్షకుల ముందుకు తీసుకు రాబోతున్నట్లు తెలుస్తుంది.

ఇకపోతే సహజంగా "ఏ" సర్టిఫికెట్ ను సెన్సార్ బోర్డ్ సభ్యులు ఎక్కువ రొమాన్స్ , హార్రర్ , రక్తపాతం ఉన్న జారీ చేస్తూ ఉంటారు. ఇక ఈ సినిమా ప్రచార చిత్రాలను బట్టి చూస్తే ఈ మూవీ లో హార్రర్ , రక్తపాతం ఉన్న దాఖలాలు కనిపించడం లేదు. దానితో ఈ మూవీ లో ఎక్కువ రొమాన్స్ సన్నివేశాలు ఉండడం వల్లే "ఏ" సర్టిఫికెట్ ను సెన్సార్ బోర్డు సభ్యులు జారీ చేసి ఉంటారు అని చాలా మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Vs

Pulgam Srinivas

12/02/2025 01:10 PM