స్టార్ హీరో విక్టరీ వెంకటేష్ ‘సంక్రాంతికి వస్తున్నాం’ సినిమా ఇటీవల గ్రాండ్ గా రిలీజ్‌ అయ్యింది. సంక్రాంతికి వస్తున్నాం' సినిమా థియేటర్స్‌లో  బ్లాక్ బస్టర్ హిట్ టాక్‌ని తెచ్చుకుంది. అయితే ఈ సినిమాలో ఉన్న బుడ్డోడు కూడా ప్రేక్షకులను మెప్పించాడు. ఈ సినిమాలో నటించిన అన్ని పాత్రలు ఒక లెక్కైతే చిన్నరాజు (వెంకటేష్) కొడుకు బుల్లిరాజు పాత్ర మరోఎత్తు. ఇక ఈ బుడ్డోది నటన విషయానికి వస్తే.. వాడి నటనతో అందరినీ నవ్వించాడు. ఈ బుడ్డోడి అసలు పేరు భీమల రేవంత్ పవన్ సాయి సుభాష్. ఇక ఈ సినిమాలో ఈ బుడ్డోడి పాత్ర తన తండ్రిని ఎవరైనా ఏమైనా అంటే చాలు బొమ్మ బొరుసు అయిపోద్ధి. వీడు గోదారి యాసలో తిట్టే తిట్లకు ఊరి వాళ్లకి చెవులు చిల్లులుపడితే.. ఆడియన్స్‌కి మాత్రం పొట్టచెక్కలు అవుతుంది. ఇక ఈ బుడ్డోడు మంచి నటుడే కాదు.. మంచి మాటకారి కూడా.
అయితే ఈ బుడ్డోడి సంపాదించుకున్న ఫేమ్ ని కొందరు ఫేక్ అకౌంట్స్ ని క్రియేట్ చేసి పాడు చేస్తున్నారని రేవంత్ తండ్రి శ్రీనివాస రావు సోషల్ మీడియా వేదికగా ఓ పోస్ట్ పెట్టారు. 'మా అబ్బాయి రేవంత్ నటించిన పాత్రను.. ఇటీవల విడుదల అయ్యి ఘన విజయం సాధించిన “సంక్రాంతికి వస్తున్నాం" సినిమా ద్వారా ఆదరించి, ఆశీస్సులు అందజేసిన తెలుగు ప్రేక్షకులకు కృతజ్ఞతలు. కొన్ని రోజులుగా సోషల్ మీడియా వేదికగా మా అబ్బాయి పేరు మీద ఫేక్ అకౌంట్స్ క్రియేట్ చేసి సినిమా ప్రమోషన్ కోసం చేసిన వీడియోలను వక్రీకరించి తప్పుడు ప్రచారం చేస్తున్నట్టు మా దృష్టికి వచ్చింది. మా అబ్బాయికి సంబంధించిన అధికారిక వివరాలు మీతో ఎప్పటికప్పుడు షేర్ చేసుకుంటాం. తప్పుడు వార్తలు సర్కుట్ చేస్తున్న విషయమై పోలీసులకు ఫిర్యాదు చేసాం. దయచేసి మాకు, ముఖ్యంగా మా అబ్బాయిని ఇటువంటి వివాదాలు, రాజకీయాలతో ముడి పెట్టవద్దని అన్ని మీడియా వేదికలకు తెలియచేస్తున్నాం' అంటూ రిక్వెస్ట్ చేశారు. 
ఇక ఈ సినిమాలో హీరోయిన్ లుగా మీనాక్షి చౌదరి, ఐశ్వర్య రాజేష్ నటిస్తున్నారు. ఈ సినిమాకు డైరెక్టర్ అనిల్ రావిపూడి దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు సమర్పణలో శిరీష్ ఈ చిత్రాన్ని నిర్మించారు. ఈ సినిమాకు భీమ్స్ మంచి మ్యూజిక్ అందించారు. 18 ఏళ్ల తర్వాత విక్టరీ వెంకటేష్, రమణ గోగుల కాంబో మళ్లీ వస్తోంది. అయితే వెంకీ మామ హీరోగా తెరకెక్కనున్న ఈ సినిమా స్టోరీ లైన్ కూడా అదిరిపోయింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

movie

MADDIBOINA AJAY KUMAR

12/02/2025 10:55 PM