కోలీవుడ్ స్టార్ హీరో కమల్ హాసన్, డైరెక్టర్ శంకర్ కాంబినేషన్లో తెరకెక్కిన ఇండియన్ 2. అలాగే తమిళ్ సినిమా ఇండస్ట్రీలలో వచ్చిన బిగ్ బడ్జెట్ సినిమాలలో భారతీయుడు 2 ఒకటి. 1996లో వచ్చిన సూపర్ హిట్ చిత్రం భారతీయుడు కు సీక్వెల్ గా వచ్చిన ఈ సినిమాలో యూనివర్సల్ స్టార్ కమల్ హాసన్ హీరోగా నటించగా యంగ్ హీరో సిద్ధార్థ్ మరో ముఖ్య పాత్రలో దర్శనమిచ్చాడు. ఎన్నో అంచనాల మధ్య వచ్చిన ఈ సినిమా డిజాస్టర్ గా నిలిచింది. భారీ బడ్జెట్ పై తెరకెక్కిన ఈ సినిమా అటు నిర్మాతలకు ఇటు సినిమాను కొనుగోలు చేసిన బయ్యర్స్ కు దారుణ నష్టాలు మిగిల్చింది.ఇండియన్ – 2 సినిమా కథను కొన్ని కారణాల వలన రెండు భాగాలుగా తీసుకువస్తున్నామని శంకర్గతంలో ప్రకటించాడు. కానీ ఇండియన్ 2డిజాస్టర్ తో ఇక సీక్వెల్ ను థియేటర్స్ లో కాకుండా డైరెక్ట్ గా ఓటీటీ లో రిలీజ్ చేస్తారు అని విపరీతమైన చర్చ నడిచింది. పార్ట్ -2 సమయంలోనే పార్ట్ -2 కు సంబంధించి మెజారిటీ షూట్ చేసేయడంతో ఓటీటీ రిలీజ్ చేసి పార్ట్ -2 నష్టాలలో కొంత మేర రికవరీ చేసుకోవచ్చని మేకర్స్ ఆలోచిస్తున్నట్టు అప్పట్లో గాసిప్ లు వినిపించాయి. అయితే తాజాగా దర్శకుడు శంకర్ ఈ గాసిప్స్ కు చెక్ పెడుతూ ఇండియన్ -3 తప్పకుండా థియేటర్స్ లోనే రిలీజ్ అవుతుంది.

త్వరలోనే ఇండియన్ -3 షూటింగ్ చేస్తామని అని రీసెంట్ ఇంటర్వ్యూలో క్లారిటీ ఇచ్చారు. అయితే తాజాగా ఇండియన్ 3ని బయటికి తీసుకొచ్చేందుకు లైకా నడుం బిగించిందని సమాచారం.అందులో భాగంగా సెకండ్ పార్ట్ ఆడియో లో మాత్రమే ఉండి సినిమాలో లేని సారా పాటను వీడియో రూపంలో ఇండియన్ 3 విజువల్స్ ని పొందుపరిచి విడుదల చేశారు. ఇది చూస్తే కొంత సానుకూల అభిప్రాయం కలగడం ఖాయం. అసలు కథంతా థర్డ్ పార్ట్ లోనే ఉంది. కేవలం బ్రాండ్ ని క్యాష్ చేసుకోవాలనే అత్యాశతో సాగదీయడంతో అక్కర్లేని రెండో భాగం జనాలను విసిగించింది. అయితే ఎంత కాదనుకున్నా ఇది కమల్ మూవీ కాబట్టి ప్రమోషన్లు చేస్తే జనాన్ని థియేటర్లకు రప్పించే ప్రయత్నం చేయొచ్చు. అందులోనూ స్వతంత్ర పోరాటానికి ముందు సేనాపతి అసలు ఫ్లాష్ బ్యాక్ మొత్తం ఇందులోనే ఉంది.అందుకే సారా పాటలో కొత్త సీన్ల తాలూకు క్లిప్పులు కనిపించేలా జాగ్రత్తలు తీసుకున్నారు. కాజల్ అగర్వాల్ పాత్ర ఇక్కడే కీలకం కానుంది.అయితే రిలీజ్ ఎప్పుడు అనేది మాత్రం చెప్పలేదు శంకర్.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

14/02/2025 02:50 PM