టాలీవుడ్ ఇండస్ట్రీ లో నటుడిగా మంచి గుర్తింపును సంపాదించుకున్న వారిలో అల్లరి నరేష్ ఒకరు. ఈయన అల్లరి అనే సినిమాతో నటుడిగా కెరియర్ను మొదలు పెట్టి మొదటి సినిమాతోనే మంచి విజయాన్ని అందుకున్నాడు. ఇకపోతే అల్లరి నరేష్ తాజాగా ఓ ఇంటర్వ్యూలో పాల్గొన్నాడు. అందులో భాగంగా అల్లరి సినిమా సమయంలో జరిగిన ఓ విషయం గురించి ఆయన చెప్పుకొచ్చాడు. తాజా ఇంటర్వ్యూ లో భాగంగా అల్లరి నరేష్ మాట్లాడుతూ ... నేను రవి బాబు దర్శకత్వంలో అల్లరి అనే సినిమా చేశాను. ఆ మూవీ కి సురేష్ బాబు నిర్మాతగా వ్యవహరించాడు. ఇక సినిమా మొత్తం కంప్లీట్ అయింది.

మూవీ విడుదలకు రెడీ అయింది. విడుదలకు సమయం దగ్గర పడిన నేను ఆ మూవీ కి సంబంధించిన డబ్బింగ్ ను పూర్తి చేయలేదు. ఒక రోజు రవి బాబు గారు నా దగ్గరకు వచ్చి సినిమాకు సంబంధించిన డబ్బింగ్ చెప్పావా అని అడిగాడు. నేను చెప్పలేదు అన్నాను. దానితో ఆయన రిలీజ్ తేదీ దగ్గర పడుతుంది ... తొందరగా కంప్లీట్ చెయ్ అని చెప్పి వెళ్ళిపోయాడు. ఆ వెంటనే నేనే ఆ రోజు రాత్రి 11 గంటలకు ఆ సినిమా డబ్బింగ్ ను చెప్పడం మొదలు పెట్టాను. ఉదయం 5 గంటల వరకు ఆ సినిమాకు సంబంధించిన డబ్బింగ్ మొత్తాన్ని నేను కంప్లీట్ చేశాను.

ఇక డబ్బింగ్ కంప్లీట్ అయ్యాక నేను బయట నిల్చొని ఉన్నాను. సురేష్ బాబు గారు పొద్దున జాగింగ్ చేస్తూ డబ్బింగ్ థియేటర్ వైపు వచ్చారు. నన్ను చూసి ఇక్కడ ఏం చేస్తున్నావ్ అన్నాడు. డబ్బింగ్ చెప్పాను సార్ అన్నాను. మొత్తం కంప్లీట్ చేశావా అన్నాడు. అవును సార్ అన్నాను. లోపలికి వెళ్లి నేను చెప్పిన డబ్బింగ్ చూసి సూపర్ అని వెళ్ళిపోయాడు అని అల్లరి నరేష్ తాజాగా చెప్పుకొచ్చాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

17/02/2025 07:58 PM