టాలీవుడ్ స్టార్ హీరోలలో ఒకరు అయినటువంటి రెబల్ స్టార్ ప్రభాస్ కొంత కాలం క్రితం ప్రశాంత్ నీల్ దర్శకత్వంలో రూపొందిన సలార్ పార్ట్ 1 అనే సినిమాతో ప్రేక్షకులను పలకరించిన విషయం మన అందరికీ తెలిసిందే. భారీ అంచనాల నడుమ తెలుగు , తమిళ్ , కన్నడ , మలయాళ , హిందీ భాషలలో విడుదల అయిన ఈ సినిమా అద్భుతమైన విజయాన్ని సొంతం చేసుకుంది. ఇకపోతే ఈ సినిమాకు పార్ట్ 2 ఉండబోతున్నట్లు ఈ మూవీ బృందం వారు సలార్ పార్ట్ 1 చివరన అధికారికంగా ప్రకటించారు. దానితో ఎప్పుడు షూటింగ్ స్టార్ట్ అవుతుందా అని ప్రభాస్ అభిమానులతో పాటు అనేక మంది ఎదురు చూస్తున్నారు.

ఇకపోతే ప్రస్తుతం ప్రభాస్ , మారుతి దర్శకత్వంలో రూపొందుతున్న రాజా సాబ్ ,  హను రాగవపూడి దర్శకత్వంలో రూపొందుతున్న ఫౌజీ అనే సినిమాల్లో హీరోగా నటిస్తున్నాడు. ఈ రెండు మూవీ ల తర్వాత సలార్ 2 మూవీ షూటింగ్ను మొదలు పెడతాడు అని చాలా మంది అనుకున్నారు. ఇక ప్రశాంత్ నీల్ కూడా సలార్ 2 స్క్రిప్టును రెడీ చేస్తున్నట్లు , మరికొన్ని రోజుల్లోనే ఈ మూవీ ని సెట్స్ పైకి తీసుకు వెళ్లే అవకాశాలు ఉన్నట్లు ఓ వార్త కూడా వైరల్ అయింది. ఇకపోతే ఇప్పటికే ప్రశాంత్ నీల్ , జూనియర్ ఎన్టీఆర్ తో ఓ మూవీ కి కమిట్ అయిన విషయం మన అందరికీ తెలిసిందే.

తాజాగా ఈ మూవీ యొక్క షూటింగ్ మరికొన్ని రోజుల్లోనే స్టార్ట్ కాబోతున్నట్లు తెలుస్తోంది. ఈ మూవీ షూటింగ్ మొత్తం పూర్తి అయిన తర్వాతే ప్రభాస్ తో సలార్ 2 మూవీ ని ప్రశాంత్ నీల్ స్టార్ట్ చేసే అవకాశాలు ఉన్నట్లు వార్తలు వస్తున్నాయి. దానితో ఇప్పట్లో సలార్ పార్ట్ 2 మూవీ షూటింగ్ స్టార్ట్ కావడం కష్టమే అని అభిప్రాయాలను కొంత మంది వ్యక్తం చేస్తూ వస్తున్నారు. ఇలా సలార్ 2 షూటింగ్ ఇప్పట్లో స్టార్ట్ కావడం కష్టమే అనే వార్తలు వైరల్ అవుతుండడంతో ప్రభాస్ ఫాన్స్ కాస్త డిసప్పాయింట్ అవుతున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

19/02/2025 01:05 PM