చిన్న సినిమాగా మొదలైనప్పటికీ, స్టార్ హీరోల సినిమాలకు ఏమాత్రం తగ్గకుండా ఈ టీజర్ రికార్డులు కొల్లగొట్టింది. కేవలం 24 గంటల్లోనే యూట్యూబ్‌లో 17 మిలియన్ వ్యూస్‌ని దాటేసి, రియల్ టైమ్ వ్యూస్‌తో 20 మిలియన్ మార్క్‌ని క్రాస్ చేసి రికార్డులు సృష్టించింది. ప్రస్తుతం యూట్యూబ్‌లో నంబర్ వన్ ట్రెండింగ్‌లో దూసుకుపోతోంది. మేకర్స్ అధికారికంగా వ్యూస్ కౌంట్ ని ప్రకటించడంతో ఈ విషయం మరింత వైరల్ అయింది.
టీజర్ రిలీజ్ కి ముందు 'హిట్ 3' సినిమాపై పెద్దగా అంచనాలు లేవు. ఫ్రాంచైజీ మూవీ కావడంతో, దర్శకుడు శైలేష్ కొలను గత సినిమా ఫ్లాప్ అవ్వడంతో జనాల్లో అంతగా ఆసక్తి లేదు. కానీ టీజర్ విడుదలయ్యాక సీన్ మొత్తం మారిపోయింది. సినిమాపై ఉన్న అనుమానాలన్నీ పటాపంచలు అయిపోయాయి, అంచనాలు ఆకాశాన్ని తాకేలా పెరిగిపోయాయి.
ఇంకా ముఖ్యంగా చెప్పాలంటే, ఈ టీజర్ విజయ్ దేవరకొండ 'కింగ్డమ్' టీజర్ రికార్డును కూడా బ్రేక్ చేసింది. సాధారణంగా విజయ్ దేవరకొండ సినిమాలకు ఉండే క్రేజ్ గురించి చెప్పక్కర్లేదు. అలాంటిది, నాని సినిమా టీజర్ ఆ రికార్డును కొట్టడం అంటే మామూలు విషయం కాదు.
ఈ సినిమా మే 1న మే డే సందర్భంగా విడుదల కానుంది. పబ్లిక్ హాలిడే కావడంతో ఓపెనింగ్స్ అదిరిపోయేలా ఉండబోతున్నాయి. అయితే, బాక్సాఫీస్ దగ్గర సూర్య 'రెట్రో' సినిమాతో గట్టి పోటీ ఉండనుంది. అయినా టీజర్ ఇంపాక్ట్ తో 'హిట్ 3' సినిమా రేసులో ముందు వరుసలో నిలిచింది.
టీజర్ లోని బ్యాక్ గ్రౌండ్ మ్యూజిక్, నాని లుక్స్ అదిరిపోయాయి అని ఫ్యాన్స్ అంటున్నారు. నాని అర్జున్ సర్కార్ అనే పోలీస్ ఆఫీసర్ పాత్రలో కనిపించనున్నాడు. ఒకే తరహా హత్యలు జరుగుతుండటంతో వాటిని చేధించేందుకు రంగంలోకి దిగుతాడు. యాక్షన్ సీక్వెన్సులు, గ్రిప్పింగ్ స్టోరీ లైన్ తో ఈ సినిమా ఒక మంచి థ్రిల్లర్ అనిపిస్తోంది.
మొత్తానికి ఈ రికార్డ్ బ్రేకింగ్ టీజర్ తో 'హిట్ 3' మే 2025లో మోస్ట్ అవైటెడ్ మూవీస్ లిస్ట్ లో చేరిపోయింది. నానిని సరికొత్త అవతార్ లో చూడటానికి ఫ్యాన్స్ వెయిట్ చేస్తున్నారు. పోటీ ఉన్నా, ఈ సినిమా బాక్సాఫీస్ దగ్గర దుమ్ము రేపడం ఖాయం అని ట్రేడ్ వర్గాలు అంచనా వేస్తున్నాయి. రోజురోజుకీ బజ్ పెరుగుతుండటంతో సినిమాపై అంచనాలు తారాస్థాయికి చేరుకున్నాయి. చూడాలి మరి, నాని ఈసారి ఎలాంటి సెన్సేషన్ క్రియేట్ చేస్తాడో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి