టాలీవుడ్ ఇండస్ట్రీ లో సూపర్ క్రేజ్ కలిగిన దర్శకులలో ఒకరు అయినటువంటి ఈ వి వి సత్యనారాయణ కుమారుడు అయినటువంటి అల్లరి నరేష్ గురించి ప్రత్యేక పరిచయం అవసరం లేదు. ఈయన అల్లరి అనే సినిమాతో వెండి తెరకు పరిచయం అయ్యాడు. ఈ సినిమాకు రవి బాబు దర్శకత్వం వహించగా ... సురేష్ ప్రొడక్షన్స్ బ్యానర్ పై ఈ మూవీ ని సురేష్ బాబు నిర్మించాడు. ఇకపోతే చాలా సంవత్సరాల క్రితం విడుదల అయిన ఈ మూవీ మంచి విజయాన్ని అందుకుంది. ఈ మూవీ ద్వారా అల్లరి నరేష్ కి మంచి గుర్తింపు వచ్చింది.

ఇది ఇలా ఉంటే తాజాగా అల్లరి నరేష్ ఓ ఇంటర్వ్యూలో భాగంగా అల్లరి సినిమా సమయంలో జరిగిన ఓ సంఘటన గురించి చెప్పుకొచ్చాడు. తాజా ఇంటర్వ్యూ లో భాగంగా అల్లరి నరేష్ మాట్లాడుతూ ... అల్లరి సినిమా షూటింగ్ మొత్తం పూర్తి అయింది. ఆ సినిమా విడుదల తేదీ దగ్గరకు వచ్చింది. కానీ నేను ఆ మూవీ కి సంబంధించిన డబ్బింగ్ పనులను పూర్తి చేయలేదు. ఇక ఒక రోజు రవి బాబు వచ్చి త్వరగా సినిమా డబ్బింగ్ పనులు పూర్తి చేయి అన్నాడు. దానితో వెంటనే నేను ఆ రోజు రాత్రి 11 గంటలకు ఆ సినిమా డబ్బింగ్ పనులను మొదలు పెట్టాను. ఉదయం 5 గంటల వరకు మొత్తం కంప్లీట్ చేసి డబ్బింగ్ థియేటర్ బయట ఉన్నాను. ఇక సురేష్ బాబు గారు జాయిన్ చేస్తూ అటు వైపు వచ్చాడు.

అక్కడ ఉన్న నన్ను చూసి ఏం చేస్తున్నావ్ అన్నాడు. డబ్బింగ్ చెప్పాను సార్ అన్నాను. మొత్తం కంప్లీట్ చేశావా అన్నాడు. చేశాను అన్నాను. దానితో లోపలికి వెళ్లి నేను చెప్పిన డబ్బింగ్ మొత్తం సురేష్ బాబు గారు చూశారు. చూసి ఆయన షాక్ అయి చాలా బాగా చేశావు అని అన్నాడు. అలా నేను అల్లరి సినిమాకు సంబంధించిన డబ్బింగ్ ను కేవలం 6 గంటల్లో పూర్తి చేశాను అని అల్లరి నరేష్ తాజా ఇంటర్వ్యూ లో భాగంగా చెప్పుకొచ్చాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

28/02/2025 11:09 AM