టాలీవుడ్ ఇండస్ట్రీ లో నటుడిగా తనకంటూ ఒక మంచి గుర్తింపును ఏర్పరచుకున్న వారిలో సందీప్ కిషన్ ఒకరు. ఈయన ఇప్పటికే చాలా మూవీలలో హీరోగా నటించాడు. అందులో కొన్ని మూవీలు మంచి విజయాలను కూడా అందుకున్నాయి. దానితో సందీప్ కి నటుడిగా మంచి గుర్తింపు ఏర్పడింది. తాజాగా ఈ నటుడు త్రినాథ్ రావు నక్కిన దర్శకత్వంలో రూపొందిన మజాకా అనే కమర్షియల్ ఎంటర్టైనర్ మూవీ లో హీరో గా నటించాడు.

రీతూ వర్మ ఈ సినిమాలో హీరోయిన్గా నటించగా ... రావు రమేష్ , అన్షు ఈ సినిమాలో కీలక పాత్రలలో నటించారు. ప్రసన్న కుమార్ బెజవాడ ఈ మూవీ కి కథను అందించాడు. ఈ మూవీ ని ఈ సంవత్సరం ఫిబ్రవరి 26 వ తేదీన ప్రపంచ వ్యాప్తంగా భారీ ఎత్తున విడుదల చేశారు. మంచి అంచనాల నడుమ విడుదల ఈ సినిమాకు విడుదల అయిన మొదటి రోజు మొదటి షో కే బాక్స్ ఆఫీస్ దగ్గర మిక్స్ డ్ టాక్ లభించింది. దానితో ఈ మూవీ కి మొదటి రోజు పరవాలేదు అనే స్థాయి కలెక్షన్లు వచ్చాయి. ఇప్పటి వరకు ఈ సినిమాకు సంబంధించిన రెండు రోజుల బాక్సా ఫీస్ రన్ కంప్లీట్ అయింది. రెండు రోజుల్లో ఈ సినిమాకు వచ్చిన కలెక్షన్ల వివరాలు తెలుసుకుందాం. రెండు రోజుల్లో ఈ సినిమాకు నైజాం ఏరియాలో 68 లక్షల కలెక్షన్లు దక్కగా , సీడెడ్ ఏరియాలో 27 లక్షలు , ఆంధ్ర లో 28 లక్షల కలెక్షన్లు దక్కాయి. మొత్తంగా రెండు తెలుగు రాష్ట్రాల్లో ఈ మూవీ కి రెండు రోజుల్లో 1.83 కోట్ల షేర్ ... 3.35 కోట్ల గ్రాస్ కలెక్షన్లు దక్కాయి.

ఇక రెండు రోజుల్లో ఈ మూవీ కి కర్ణాటక , రెస్ట్ ఆఫ్ ఇండియా , ఓవర్సీస్ లలో కలుపుకొని 47 లక్షల కలెక్షన్లు వచ్చాయి. మొత్తంగా ఈ సినిమాకి రెండు రోజుల్లో ప్రపంచ వ్యాప్తంగా 2.30 కోట్ల షేర్ ... 4.40 కోట్ల గ్రాస్ కలెక్షన్లు దక్కాయి. ఈ మూవీ కి 10.50 కోట్ల ఫ్రీ రిలీజ్ బిజినెస్ జరగగా .... ఈ మూవీ 11.20 కోట్ల టార్గెట్ తో బాక్సా ఫీస్ భారీ లోకి దిగింది. ఈ మూవీ మరో 8.90 కోట్ల షేర్ కలెక్షన్లను ప్రపంచ వ్యాప్తంగా రాబట్టినట్లయితే బ్రేక్ ఈవెన్ ఫార్మలాను కంప్లీట్ చేసుకుని క్లీన్ హీట్ గా నిలుస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Sk

Pulgam Srinivas

01/03/2025 08:08 AM