ఓ షోలో కనిపించిన సందీప్ వంగా ఇలా అన్నాడు.హీరో-విలన్ ఫోన్ తీసుకొని ఒకరినొకరు తిట్టుకుంటూ లేదా పంచ్ లు విసురుకుంటూ కనిపించే చాలా చిత్రాలను మనం చూశాము. సినిమా అంతటా ఏదో ఒక రకమైన డైలాగ్ తో భజంత్రీ ఉంటుంది. హీరో విలన్ ఫేసాఫ్ ఉంటుంది.ఈ సినిమా మొదటి అర్ధభాగం రణబీర్ కపూర్ పాత్రను, డియోల్ పాత్ర ప్రవేశించే ముందు తన తండ్రిపై అతడి ప్రేమను చూపించడంపైనే ఉంటుంది. ఆ తర్వాత అబ్రార్ (బాబి) పాత్ర ప్రవేశిస్తుంది. సహజంగా మన సినిమాల్లో విలన్లు భీభత్సమైన సంభాషణలు చెప్పడం చాలా చూశాము కాబట్టి, నేను అతన్ని మూగ - చెవిటి వ్యక్తిగా చూపించాలని అనుకున్నాను. క్లైమాక్స్‌లో చెవిటి, మూగ వ్యక్తి పోరాడటం అనే ఆలోచన చాలా ఎగ్జయిట్ చేసే ఆలోచన అని వివరణ ఇచ్చాడు.యానిమల్ లో ఆఫర్ తో బాబి డియోల్ కెరీర్ మళ్లీ ఊపందుకుంది. అతడికి వరుసగా దక్షిణాదిన భారీ ఆఫర్లు దక్కాయి. ముఖ్యంగా అతడి నటనను కీర్తించని వారు లేరు. ఇదిలావుండగా రణ్‌బీర్ కపూర్, రష్మిక, బాబీ డియోల్ వంటి నటీనటుల నటన, బ్యాక్ గ్రౌండ్ స్కోర్, ఫైట్ సీన్స్ తప్ప ‘యానిమల్’ మూవీకి సగటు భారత సినీ ప్రియులకు మింగుడు పడని విషయాలు ఎన్నో ఉన్నాయి. అవుట్ ఆఫ్ ది బాక్స్ అని గొప్పగా చెప్పుకున్నా, కొన్ని విషయాలను తెర మీద చూపించకపోవడమే సభ్యత. దాన్ని ‘యానిమల్’ నిజంగానే బ్రేక్ చేసింది. అదీకాకుండా పురుషాహంకారంతో కొట్టుకునే ఓ బిలియనీర్ వారసుడిగా రణ్‌బీర్ కపూర్ క్యారెక్టర్‌ని చూపించిన విధానం, నేటి యువతపై తీవ్రంగా ప్రభావం చూపించొచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి