ఇక సోషల్ మీడియాలో విషయానికి వస్తే.. ఎప్పటికప్పుడు ఏదో ఒక న్యూస్ ఆయన గురించి అలా ట్రెండ్ అవుతూనే ఉంటుంది. ఇటీవలే ప్రభాస్ కి అసలు ఆ పేరు ఎందుకు పెట్టారో ఆయన చెబుతున్న వీడియో కూడా వైరల్ అయ్యింది. అయితే కన్నప్ప సినిమాలో ప్రభాస్ ఫస్ట్ లుక్ ని మూవీ మేకర్స్ కూడా రిలీజ్ చేశారు. పాన్ ఇండియా స్టార్ ప్రభాస్ ప్రస్తుతం డైరెక్టర్ సందీప్ రెడ్డి వంగాతో స్పిరిట్ అనే సినిమా తీయనున్నారు. ఈ సినిమాకు సంగీత దర్శకుడు హర్షవర్ధన్ రామేశ్వరన్ సంగీతం అందిస్తున్న సంగతి తెలిసిందే.
తాజాగా హర్షవర్ధన్ ఓ ఇంటర్వ్యూకి హాజరయ్యారు. ఈ సందర్భంగా ఆయన మాట్లాడుతూ ఆసక్తికర వ్యాఖ్యలు చేశారు. తనకి ప్రభాస్ అంటే చాలా అభిమానం ఉందని తెలిపారు. ఆయన స్పిరిట్ సినిమా కోసం గట్టిగా పని చేస్తున్నారని అన్నారు. ప్రభాస్ నటిస్తున్న ఈ సినిమాకు అదిరిపోయే సంగీతం అందిస్తానని స్పష్టం చేశారు. సందీప్ రెడ్డి వంగాతో ఇంకా మ్యూజిక్ గురించి చర్చలు జరుగుతున్నాయని వెల్లడించారు. సందీప్ రెడ్డితో చేసిన ప్రతి సినిమాలో విజిల్ సౌండ్ కలిసి వస్తుందని అన్నారు. అందుకని స్పిరిట్ సినిమాకు కూడా విజిల్ సౌండ్ సెంట్ మెంట్ ని పాటిస్తానని హర్షవర్ధన్ రామేశ్వరన్ చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి