యంగ్ హీరో కిరణ్ అబ్బవరం వరుస సినిమాలతో దూసుకెళ్తున్నాడు. తన నటనతో అంచలంచెలుగా ఎదుగుతూ మంచి గుర్తింపును సొంతం చేసుకున్నాడు. ఈయన కథను ఎంచుకుని శైలి చాలా అద్బుతంగా ఉంటుంది. డిఫరెంట్ కథలను సెలెక్ట్ చేసుకుని సినిమాలు చేస్తూ టాలీవుడ్ ప్రేక్షకుల మనసులో చోటు సొంతం చేసుకున్నాడు. కిరణ్ అబ్బవరం అటు సక్సెస్ ఫుల్ గా సినిమాలు చేస్తూనే.. ఇటు ఫ్యామిలీ లైఫ్ ని లీడ్ చేస్తున్నాడు.  

ప్రస్తుతం కిరణ్ అబ్బవరం దిల్ రూబా సినిమాతో ప్రేక్షకుల ముందుకి రానున్నారు. ఈ సినిమాలో కిరణ్ కి జోడీగా హీరోయిన్ రుక్సర్ థిల్లాన్ నటిస్తుంది. దిల్ రూబా మూవీకి విశ్వ కరుణ్ దర్శకత్వం వహిస్తున్నారు. ఈ సినిమా హోలీ పండుగ కానుకగా మార్చి 14న థియేటర్ లలో గ్రాండ్ గా రిలీజ్ అవ్వనుందని మూవీ మేకర్స్ వెల్లడించారు. ఈ సినిమాను రవి, జోజో జోస్, రాకేశ్ రెడ్డి, సరేగమ సంయుక్తంగా నిర్మించారు. ఇక ఇటీవలే ఈ సినిమా నుండి కన్నా నీ అనే లిరికల్ వీడియో కూడా విడుదల చేశారు. ఈ సినిమాకు సామ్ సీఎస్ సంగీతం అందిస్తున్నారు. ఈ లిరికల్ సాంగ్ కి ప్రేక్షకుల నుంచి మంచి స్పందన లభించింది.
 
అయితే ఇదిలా ఉండగా.. తాజాగా యంగ్ హీరో కిరణ్ అబ్బవరం సినీప్రియులకు ఒక అదిరిపోయే బంపర్ ఆఫర్ ఇచ్చారు. దిల్ రూబా సినిమా త్వరలో ప్రేక్షకుల ముందుకి వస్తున్న కారణంగా అద్బుతమైన ఆఫర్ ఇచ్చారు. సోషల్ మీడియా వేదికగా కిరణ్ అబ్బవరం 'మా చిత్రం కథ చెప్పండి.. బైక్ గెలుచుకోండి' అంటూ ఓ వీడియో చేసి చెప్పుకొచ్చారు. ఈ క్రమంలో దిల్ రూబా సినిమా కథ ఏంటి అనేది చెబితే.. చెప్పిన వారికి సినిమాలో తాను వాడిన బైక్ ని బహుమతిగా ఇస్తానని కిరణ్ స్పష్టం చేశారు. ఇక ప్రస్తుతం ఈ వీడియో సోషల్ మీడియాలో తెగ వైరల్ అవుతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

kiran abbavaram

MADDIBOINA AJAY KUMAR

03/03/2025 02:06 PM