ఈ సినిమా మంచి విజయాన్ని అందుకోవడమే కాకుండా భారీగా కలెక్షన్లను రాబట్టింది. దేవర సినిమా గత సంవత్సరం సెప్టెంబర్ 27వ తేదీన ప్రపంచవ్యాప్తంగా విడుదలై మంచి విజయాన్ని అందుకుంది. దాదాపు ఈ సినిమా రూ. 550 కోట్ల కలెక్షన్లను రాబట్టినట్లుగా వార్తలు వచ్చాయి. ఈ సినిమా అనంతరం ఎన్టీఆర్ వరుసగా సినిమాలను లైనప్ చేశారు. దేవర సినిమాకు సీక్వెల్ గా దేవర-2 సినిమాను తెరకెక్కించనున్నారు. ఈ సినిమా షూటింగ్ అతి త్వరలోనే ప్రారంభం కానుంది.
కాగా ఎన్టీఆర్ ప్రశాంత్ నీల్ దర్శకత్వంలో ఓ సినిమా చేయబోతున్నారు. ఈ సినిమాకు డ్రాగన్ అనే టైటిల్ ను ఖరారు చేశారు. ఈ సినిమాను అత్యంత భారీ బడ్జెట్ తో తెరకెక్కిస్తున్నామని డ్రాగన్ సినీ నిర్మాత రవిశంకర్ వెల్లడించారు. అంతేకాకుండా ఈ సినిమా చాలా బాగుంటుందని చెప్పారు. కాగా డ్రాగన్ సినిమాను 2026 జనవరి 9వ తేదీన విడుదల చేస్తామని చిత్ర బృందం గతంలోనే వెల్లడించిన సంగతి తెలిసిందే.
అంటే డ్రాగన్ సినిమాను వచ్చే సంవత్సరం సంక్రాంతి కానుకగా రిలీజ్ చేయనున్నారు. కాగా, ఇప్పుడు ఈ సినిమా షూటింగ్ కాస్త ఆలస్యం అవ్వడంతో డ్రాగన్ సినిమాను జనవరిలో కాకుండా 2026 మార్చి 26వ తేదీన రిలీజ్ చేయాలని మేకర్స్ ప్లాన్ లో ఉన్నట్లుగా తెలుస్తోంది. చిత్ర బృందం నుంచి ఈ వార్త వెలువడిన అనంతరం ఎన్టీఆర్ ఫ్యాన్స్ సంబర పడుతున్నారు. ఈ సినిమా మంచి విజయాన్ని అందుకుంటుందని ఆశ పడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి