టాలీవుడ్ యువ నటుడు సందీప్ కిషన్ తాజాగా మజాకా అనే కమర్షియల్ ఎంటర్టైనర్ మూవీ లో హీరోగా నటించిన విషయం మన అందరికీ తెలిసిందే. రీతూ వర్మ ఈ సినిమాలో హీరోయిన్గా నటించగా ... త్రినాథ్ రావు నక్కిన ఈ సినిమాకు దర్శకత్వం వహించాడు. ఈ మూవీ ని ఫిబ్రవరి 26 వ తేదీన విడుదల చేశారు. ఇప్పటి వరకు ఈ సినిమాకు సంబంధించిన ఆరు రోజుల బాక్సాఫీస్ రన్ కంప్లీట్ అయింది. ఆరు రోజుల బాక్సాఫీస్ రన్ కంప్లీట్ అయ్యే సరికి ఈ మూవీ పెద్ద స్థాయిలో కలెక్షన్లను వసూలు చేయలేకపోయింది. దీనితో ఈ మూవీ బాక్స్ ఆఫీస్ దగ్గర సందీప్ కిషన్ కి మరోసారి నిరాశను మిగిల్చే అవకాశాలు ఉన్నాయి అని చాలా మంది అభిప్రాయ పడుతున్నారు. మరి ఆరు రోజుల్లో ఈ మూవీ కి వచ్చిన కలెక్షన్లు ఎన్ని ..? ఇంకా ఎన్ని కలెక్షన్లను సాధిస్తే ఈ మూవీ హిట్ స్టేటస్ను అందుకుంటుంది అనే వివరాలను తెలుసుకుందాం.

ఆరు రోజుల బాక్స్ ఆఫీస్ రన్ కంప్లీట్ అయ్యే సరికి ఈ మూవీ కి నైజాం ఏరియాలో 1.66 కోట్ల కలెక్షన్లు దక్కగా , సీడెడ్ ఏరియాలో 69 లక్షలు , ఆంధ్ర ఏరియాలో 1.90 కోట్ల కనెక్షన్లు దక్కాయి. మొత్తంగా ఆరు రోజుల్లో ఈ మూవీ కి రెండు తెలుగు రాష్ట్రాల్లో కలిపి 4.29 కోట్ల షేర్ ... 8.10 కోట్ల గ్రాస్ కలెక్షన్లు వచ్చాయి. ఇక ఆరు రోజుల్లో ఈ మూవీ కి కర్ణాటక , రెస్ట్ ఆఫ్ ఇండియా మరియు ఓవర్ సీస్ లలో కలుపుకొని 82 లక్షల కలెక్షన్లు వచ్చాయి. మొత్తంగా ఈ మూవీ కి ప్రపంచ వ్యాప్తంగా ఆరు రోజుల్లో 5.07 కోట్ల షేర్ ... 10.05 కోట్ల గ్రాస్ కలెక్షన్లు వచ్చాయి. ఇక ఈ మూవీ 11.20 కోట్ల టార్గెట్ తో బాక్సా ఫీస్ బరిలోకి దిగింది. దానితో ఈ మూవీ మరో 6.13 కోట్ల రేంజ్ లో షేర్ కలెక్షన్లను వసూలు చేస్తే క్లీన్ హిట్ గా నిలుస్తుంది. మరి రాబోయే రోజుల్లో ఈ సినిమా 6.13 కోట్ల కలెక్షన్లను వసూలు చేయడం కాస్త కష్టమే అని కొంత మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Sk

Pulgam Srinivas

05/03/2025 08:34 AM