తెలుగు చిత్ర పరిశ్రమకు ఎంతో పేరు తెచ్చిన సినిమాలను నిర్మించెను సంస్థల్లో డి.వి.యస్ ప్రొడక్షన్ కు ప్రత్యేక స్థానం ఉంది .. ఒకప్పుడు డి.వి.యస్ ప్రొడక్షన్ సంస్థ నుంచి సినిమా వస్తుందంటే చాలు ప్రేక్షకులు ఎంతో ఆసక్తిగా ఎదురుచూసేవారు .. కథ , కథనం , సంగీతం , సాహిత్యం , కుటుంబ విలువలు వంటి అన్ని అంశాలకు ప్రాధాన్యఇస్తూ డి.వి.యస్ ప్రొడక్షన్ సంస్థ సినిమాలను నిర్మించి ప్రేక్షకులను ఆకట్టుకునేది .. అయితే ఈ సంస్థ‌కు శ్రీకారం చుట్టిన సినిమా మాత్రం నటరత్న ఎన్టీఆర్ హీరోగా వచ్చిన మంగమ్మ శపథం .. ఈ సినిమా భారీ విజయంతో నిర్మాత డివిఎస్ రాజు తన అభిరుచికి తగ్గ సినిమాలు నిర్మిస్తూ తెలుగు ప్రేక్షకుల మనసులు చెరుకుపోని స్థానం సంపాదించుకున్నారు . అయితే ఎన్టీఆర్ కు అత్యంత సన్నిహితుల్లో ఒకరుగా పేరు తెచ్చుకున్నారు డివిఎస్ రాజు .. అలాగే ఎన్టీఆర్ సొంత 'యన్.ఏ.టి.స‌ బ్యానర్ లోనే భాగస్వామిగా ఉన్నారు రాజు .. ఆ తర్వాత నాగేశ్వరరావు హీరోగా ప్రగతి ఆర్ట్‌ ప్రొడక్షన్ పై మా బాబు అనే సినిమాను నిర్మించారు ..


అయితే ఆ సినిమా పెద్దగా ఆడలేదు ఎన్టీఆర్ తో  తర్వాత సినిమా నిర్మించాలని అనుకున్నారు. అప్పుడు ఎన్టీఆర్ సలహా మేరకు డి.వి.యస్ ప్రొడక్షన్స్ సంస్థను మొదలుపెట్టారు .. అలా మొదటి ప్రయత్నంగా విఠలాచార్య దర్శకత్వంలో మంగమ్మ శపథం సినిమాను నిర్మించారు .. ఇక ఈ సినిమా 1965 మార్చ్ 6వ తేదీన రిలీజ్ అయ్యి భారీ విజయంగా నిలిచింది. ఒక తెలుగులోనే కాదు దక్షిణాదిన మంగమ్మ శపథం కథ‌ జనాల మదిలో గొప్పగా నిలిచిపోయింది .  ఇక ఈ కథతోనే 1943లో తమిళనాడు మంగమ్మ శప‌థం అనే సినిమా వచ్చింది . ఇక ఈ సినిమాలో అందాల తారగా జేజేలు  అందుకున్న వైజయంతి మాల తల్లి వసుంధర మంగమ్మగా నటించారు .. అయితే ఆ పాత్రనే  తెలుగులో జమున నటించి అలరించారు .. తనను లోబరుచుకోవడానికి రాజు చేసిన ప్రతిజ్ఞకు మంగమ్మ శపధం చేసి ఎలా నెరవేర్చుకుంది అనేదే స్టోరీ .. ఇక ఈ స్టోరీని విఠలాచార్య తెర్కక్కించిన తీరు తెలుగువారిని విశేషంగా ఆకట్టుకుంది .. సముద్రాల జూనియర్ ఈ సినిమాకి రచన చేశారు .. టీవీ రాజు సంగీతం అందించిన ఈ సినిమాకు కొసరాజు , సి.నారాయణరెడ్డి పాటలు రాశారు .  ఎన్టీఆర్ డ్యూయల్ రోల్ చేసిన ఈ సినిమాలో మరో హీరోయిన్ ఎల్ విజయలక్ష్మి నటించారు .. మిగిలిన పాత్రలో రేలంగి , గిరిజ , రమణారెడ్డి , రాజనాల , అల్లు రామలింగయ్య నటించారు.. ఈ సినిమాలో వచ్చే స్పెషల్ సాంగ్ లు రాజశ్రీ  కనిపించి మెప్పించారు.


డివియ‌స్ ప్రొడక్షన్స్ లో తొలి సినిమాగా వచ్చిన మంగమ్మ శపథం ఘనవిజయ అందుకుంది.   ఆ తర్వాత ఎన్టీఆర్ తో డివియ‌స్ రాజు పిడుగు రాముడు, తిక్క శంకరయ్య, గండికోట రహస్యం, చిన్ననాటి స్నేహితులు, ధనమా దైవమా వంటి సినిమాలను నిర్మించారు .. ఈ సినిమాలన్నిటికీ టీవీ రాజు సంగీతం అందించారు .. వీటిలో ఓ సినిమా మిన‌హ‌ అన్ని సినిమాలు కమర్షియల్ గా మంచి విజయాలు అందుకున్నాయి . ఆ తర్వాత కాలంలో శోభన్ బాబు , కృష్ణ , కృష్ణంరాజు , చిరంజీవి ,బాలకృష్ణ వంటి హీరోలతోనూ డివియ‌స్ ప్రొడక్షన్స్ సినిమాలో నిర్మించింది.   అయితే ఈ సంస్థ నుంచి "జీవనజ్యోతి, దేవుడులాంటి మనిషి, జీవితనౌక, కాలాంతకులు, ప్రెసిడెంట్ పేరమ్మ, అల్లుడు పట్టిన భరతం, ముఝే ఇన్సాఫ్ చాహియే, చాణక్య శపథం, భానుమతిగారి మొగుడు, దోషి-నిర్దోషి, ఛాంపియన్, రాజధానిష .. వంటి సినిమాలు వచ్చాయి .. వీటిలో ఎన్నో సినిమాలు ప్రేక్షకులు  ఆకట్టుకున్నాయి . ఇక డివీయ‌స్ ప్రొడక్షన్ సంస్థకు శ్రీకారం చుట్టిన మంగమ్మ శపథం తెలుగువారి మనసులో గొప్ప సుస్థిర స్థానం సంపాదించుకోవడం ఇక్కడ మరో విశేషం.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Amruth kumar

09/03/2025 11:50 AM