తన తాత నిర్మించిన ఇల్లు కావడం చేత తన వారసత్వాన్ని కొనసాగిస్తూ ఆ ఇంటిని కాపాడుకోవడమే కాకుండా మరొక 50 నుంచి 60 ఏళ్ల వరకు ఆ ఇంటికి ఎలాంటి ఇబ్బందులు లేకుండా చూసుకునేలా ఈ ఇంటిని నిర్మించారట మురళీమోహన్. అయితే ఈ ఇల్లు ఏలూరు జిల్లా చాటపర్రు లోని ప్రాంతంలో ఉన్నదట. ఇక ఈ వందేళ్లు భవనం కలిగిన ఇంటిని ఆయన తన కుటుంబ సభ్యులతో కలిసి గృహప్రవేశ వేడుకలను కూడా చాలా ఆనందంగా నిర్వహించారట. ఇలాంటి సందర్భంలోనే గ్రామంలో ఉండే తన స్నేహితులు, బంధువులతో కలిసి చాలా ఆనందంగా గడిపినట్లు తెలుస్తోంది.
అయితే ఈ ఇల్లు చూడడానికి ఒక ఇంద్ర భవనంలో ఉన్నట్టు కనిపిస్తోంది. అందుకు సంబంధించిన ఒక వీడియో కూడా వైరల్ గా మారుతున్నది. ఇక ఇంటి పైన పెరు "మాగంటి మురళి మోహన్ చారిటబుల్ ట్రస్ట్"అన్నట్టుగా పెట్టారు. ఇక ఇంటి లోపల కూడా చాలా విశాలమైన గదులను ఏర్పాటు చేసినట్టుగా కనిపిస్తోంది. ఇంటి లోపల కూడా అధునాతన టెక్నాలజీకి సంబంధించిన వాటితోనే ఈ ఇంటిని రూపురేఖలు మార్చినట్టుగా కనిపిస్తోంది. ఈ పురాతన భవనానికి తన కుటుంబ సభ్యులతో వచ్చినప్పుడు గడపడానికి కూడా అన్ని వసతులను ఏర్పాటు చేసుకున్నట్లుగా కనిపిస్తోంది. మొత్తానికి 100 ఏళ్ల చరిత్ర కలిగిన ఈ భవనాన్ని ఇలా అధునాతన రూపంలో మార్చడంతో అందరూ ఆశ్చర్యపోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి