టాలీవుడ్ హీరో నితిన్ రాబిన్‌హుడ్‌ సినిమాతో ప్రేక్షకుల ముందుకి రానున్నారు. ఈ సినిమాలో హీరోయిన్ గా గ్లామరస్ బ్యూటీ శ్రీలీల నటిస్తుంది. ఈ మూవీ ఒక యాక్షన్ కామోడీ ఎంటర్ టైనర్ సినిమా. ఈ సినిమాకి వెంకీ కుడుముల దర్శకత్వం వహిస్తున్నారు. ఈ సినిమాలో సీనియర్ నటుడు రాజేంద్ర ప్రసాద్ ముఖ్యపాత్రలో కనిపించనున్నారు. ఈ సినిమా మైత్రి మూవీ మేకర్స్ బ్యానర్ పై నవీన్ యెర్నేని, రవిశంకర్ నిర్మిస్తున్నారు. ఈ సినిమా టీజర్ గతేడాది నవంబర్ 14న విడుదల అయ్యింది. ఈ నెల 28న రాబిన్‌హుడ్‌ సినిమా థియేటర్ లలో విడుదల కానుంది.

ఇక ఇప్పటికే ఈ సినిమాపై ప్రేక్షకులకు అంచనాలు పెరిగాయి. ఈ సినిమా రిలీజ్ కోసం అటు నితిన్, ఇటు శ్రీలీల అభిమానులు ఆసక్తిగా ఎదురుచూస్తున్నారు. అయితే ఇదిలా ఉండగా.. ఈ సినిమాలో ఆస్ట్రేలియా క్రికెటర్ డేవిడ్ వార్నర్ ఓ ముఖ్య పాత్ర పోషించారు. ఈ మూవీలో డేవిడ్ వార్నర్ ఫస్ట్ లుక్ ని నేడు మూవీ మేకర్స్ రిలీజ్ చేశారు. బౌండరీ నుండి బాక్స్ ఆఫీస్ కు వస్తున్న వార్నర్ కి భారత సినిమా స్వాగతం అంటూ ఆ పోస్టర్ కి ట్యాగ్ లైన్ జత చేశారు. ఇక ఈ పోస్టర్ ప్రస్తుతం నేటింటా తెగ వైరల్ అవుతుంది.  

ఇక ఈ సినిమాలో ఒక స్పెషల్ సాంగ్ కి అందాల భామ కేతిక శర్మ స్టెప్పులేసిన విషయం అందరికీ తెలిసిందే. అది దా సర్ ప్రైజ్ అనే సాంగ్ కి చిందులేసింది. ఇక ఈ సాంగ్ లిరికల్ వీడియో కూడా ఇటీవలే రిలీజ్ అయ్యింది. ప్రస్తుతం ఈ సాంగ్ యూ ట్యూబ్ లో ట్రెండింగ్ లో ఉంది. ఈ పాటకి కేతిక శర్మ వేసిన స్టెప్పులను చూసిన ప్రేక్షకులు తెగ ట్రోల్ చేస్తున్నారు. ఇక ఈ పాటకి స్టార్ కొరియోగ్రాఫర్ శేఖర్ మాస్టర్ డాన్స్ కొరియోగ్రాఫ్ చేశారు.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

warner

MADDIBOINA AJAY KUMAR

15/03/2025 09:16 PM