అసలు విషయానికొస్తే, 31వ రోజున ఈ సినిమా ఏకంగా 7.63 కోట్ల రూపాయల వసూళ్లు రాబట్టి అందరినీ షాక్‌కు గురిచేసింది. బాలీవుడ్ చరిత్రలోనే 31వ రోజు అత్యధిక కలెక్షన్లు సాధించిన చిత్రంగా 'ఛావా' సరికొత్త రికార్డు సృష్టించింది. ఇంతకుముందు ఈ రికార్డు విక్కీ కౌశల్ నటించిన 'ఉరి' సినిమా పేరు మీద ఉండగా, ఇప్పుడు తన సినిమా రికార్డును తానే బ్రేక్ చేయడం విశేషం.
ఇంకా ఐదవ వీకెండ్ లో 'ఛావా' కలెక్షన్ల వేగం చూస్తే దిమ్మతిరిగిపోవాల్సిందే. ఈ వారాంతంలో ఏకంగా రూ.22 కోట్లు కొల్లగొట్టింది. ఇక్కడ మరో ట్విస్ట్ ఏంటంటే, 'పుష్ప 2' (హిందీ వెర్షన్), 'స్త్రీ 2' లాంటి భారీ చిత్రాల వసూళ్లను కూడా 'ఛావా' దాటేసింది. ఆ సినిమాలు ఈ వారాంతంలో 16 కోట్లు, 14 కోట్లు మాత్రమే వసూలు చేయగా, 'ఛావా' మాత్రం వాటికి అందనంత ఎత్తులో నిలిచింది. శుక్రవారం 6.75 కోట్లు, శనివారం 7.62 కోట్లు, ఆదివారం 7.63 కోట్లు వసూలు చేసిందంటే ఈ సినిమా హవా ఏ స్థాయిలో ఉందో అర్థం చేసుకోవచ్చు.
దాదాపు 130 కోట్ల రూపాయల భారీ బడ్జెట్‌తో తెరకెక్కిన ఈ సినిమాలో విక్కీ కౌశల్, రష్మిక మందన్నాతో పాటు అక్షయ్ ఖన్నా కూడా కీలక పాత్రలో నటించారు. ఇక ఇప్పటివరకు 'ఛావా' సాధించిన మొత్తం కలెక్షన్ల విషయానికొస్తే.. ఇండియాలో 562.38 కోట్లు, ప్రపంచవ్యాప్తంగా 752.81 కోట్లు వసూలు చేసింది. తెలుగు రాష్ట్రాల్లో కూడా ఈ సినిమా 13 కోట్ల రూపాయలు వసూలు చేసి సత్తా చాటింది. మొత్తానికి 'ఛావా' సినిమా బాక్సాఫీస్ వద్ద ఒక సంచలన విజయాన్ని నమోదు చేసిందని చెప్పడంలో ఎలాంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి