ఇక ఇప్పటికే ఈ సినిమాపై ప్రేక్షకులకు అంచనాలు పెరిగాయి. ఈ సినిమా రిలీజ్ కోసం అటు నితిన్, ఇటు శ్రీలీల అభిమానులు ఆసక్తిగా ఎదురుచూస్తున్నారు. ఈ సినిమాలో ఆస్ట్రేలియా క్రికెటర్ డేవిడ్ వార్నర్ ఓ ముఖ్య పాత్ర పోషించారు. ఈ మూవీలో డేవిడ్ వార్నర్ ఫస్ట్ లుక్ ని ఇటీవలే మూవీ మేకర్స్ రిలీజ్ చేశారు. బౌండరీ నుండి బాక్స్ ఆఫీస్ కు వస్తున్న వార్నర్ కి భారత సినిమా స్వాగతం అంటూ ఆ పోస్టర్ కి ట్యాగ్ లైన్ జత చేశారు. ఇక ఈ పోస్టర్ నేటింటా తెగ వైరల్ అయ్యింది.
అయితే తాజాగా ఈ సినిమా ప్రీ రిలీజ్, టైలర్ లాంచ్ ఈవెంట్ జరిగింది. ఈ సందర్బంగా హీరో నితిన్ మాట్లాడారు. హీరో నితిన్ మాట్లాడుతూ.. 'మూవీ మేకర్స్ అందరికీ థాంక్ యూ. సినిమా చాలా బాగుంటుంది. ప్రేక్షకులకు ఈ సినిమా నచ్చుతుందని నేను చాలా నమ్మకంతో ఉన్నాను. డేవిడ్ వార్నర్ కి థాంక్ యూ. మీరు ఈ సినిమాలో నటించడం వల్లే ఈ సినిమా మరో స్థాయికి వెళ్లింది. ఈ సినిమాలోని డేవిడ్ వార్నర్ పాత్ర ఈ సినిమాని ఇంకో లెవెల్ కి తీసుకెళ్తుంది. డేవిడ్ వార్నర్ ఎలా అయితే క్రికెట్ రంగంలో ఆడడానికి ఆసక్తి చూపిస్తారో.. అలాగే సినిమా రంగంలో కూడా ఆసక్తి చూపిస్తూ నటించారు' అని నితిన్ చెప్పుకొచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి