ఈ సినిమాలో వార్నర్ ది గెస్ట్ రోల్ మాత్రమేనట. మొదట్లో ఓ ఐదు నిమిషాల పాటు స్క్రీన్‌పై కనిపిస్తాడని రూమర్లు వచ్చాయి. కానీ, లేటెస్ట్ అప్‌డేట్ ప్రకారం, వార్నర్ స్క్రీన్ టైమ్ కేవలం 2 నిమిషాల 50 సెకన్లు మాత్రమేనని తెలిసింది. అంటే, జస్ట్ మూడు నిమిషాల లోపే అన్నమాట. అలా వచ్చి ఇలా మాయమైపోతాడంతే.
మరి ఆ కొద్దిసేపు కనిపించడానికి వార్నర్ తీసుకున్న రెమ్యూనరేషన్ ఎంతో తెలిస్తే కళ్లు బైర్లు కమ్మడం ఖాయం. అక్షరాలా రూ.2.5 కోట్లు అందుకున్నాడట. నిజానికి, వార్నర్ రోజుకి రూ.1 కోటి కావాలని డిమాండ్ చేశాడని టాక్ నడిచింది. కానీ, సినిమాను నిర్మిస్తున్న బడా సంస్థ మైత్రీ మూవీ మేకర్స్ చర్చలు జరిపి, ఫైనల్‌గా రెండు రోజుల షూటింగ్ కోసం రోజుకి రూ.1.25 కోట్ల చొప్పున, మొత్తం రూ.2.5 కోట్లు ఇచ్చి డీల్ ఓకే చేసుకున్నారట.
మూడు నిమిషాల లోపు స్క్రీన్ టైమ్ కోసం ఏకంగా రెండున్నర కోట్లు ఖర్చు చేయడంపై ఇప్పుడు ఇండస్ట్రీలో పెద్ద చర్చే నడుస్తోంది. అంత భారీ మొత్తం పెట్టి వార్నర్‌ను తీసుకోవడం వల్ల సినిమాకు నిజంగా ఆ రేంజ్‌లో ప్లస్ అవుతుందా? అతని క్రేజ్ సినిమాకు ఎంతవరకు కలిసొస్తుంది? అని చాలామంది లెక్కలు వేస్తున్నారు.
డబ్బులు తీసుకున్నాడు సరే, వార్నర్ కూడా సినిమా ప్రమోషన్లలో ఫుల్ యాక్టివ్‌గా పాల్గొంటున్నాడు. ఇటీవల జరిగిన ఓ సినిమా ఈవెంట్‌లో ఏకంగా "నేను నిన్ను ప్రేమిస్తున్నాను" అని తెలుగులో చెప్పి ఫ్యాన్స్‌ను ఫిదా చేసేశాడు. అంతేకాదు, స్టేజ్‌పై నితిన్, శ్రీలీల, కేతిక శర్మలతో కలిసి మాస్ స్టెప్పులేసి అదరగొట్టాడు. ఈ వీడియోలు ఇప్పుడు సోషల్ మీడియాను షేక్ చేస్తున్నాయి.
మైత్రీ మూవీ మేకర్స్ బ్యానర్‌పై వస్తున్న ఈ 'రాబిన్‌హుడ్' సినిమా మార్చి 28న థియేటర్లలోకి రానుంది. వార్నర్ గెస్ట్ అప్పీయరెన్స్, దానికి తోడు వైరల్ అయిన 'అదిరిపోయే సర్ప్రైజ్' పాటతో సినిమాపై మంచి హైప్ క్రియేట్ అయింది. మరి, వార్నర్ కోసం పెట్టిన కోట్ల ఖర్చుకు తగ్గట్టుగా అతని పాత్ర సినిమాలో పేలుతుందా? లేదా? అనేది తెలియాలంటే సినిమా రిలీజ్ వరకు వెయిట్ చేయాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి