నందమూరి నటసింహం బాలకృష్ణ నటించిన కల్ట్ క్లాసిక్ మూవీ” ఆదిత్య 369 “ మూవీ అప్పట్లో ఎంతటి సంచలనం సృష్టించిందో ప్రత్యేకంగా చెప్పాల్సిన పని లేదు.. బిగ్గెస్ట్ సైన్స్ ఫిక్షన్ బ్యాక్‌డ్రాప్‌లో వచ్చిన ఈ సినిమాకు దిగ్గజ దర్శకుడు సింగీతం శ్రీనివాస రావు దర్శకత్వం వహించారు..ఈ చిత్రాన్ని ఎస్.పి. బాలసుబ్రహ్మణ్యం సమర్పణలో ఎస్. అనిత కృష్ణ నిర్మించారు, శ్రీదేవి మూవీస్ బ్యానర్‌పై తెరకెక్కింది.1991 ఆగస్టు 18న విడుదలైన ఈ మూవీ ప్రేక్షకులకు సరికొత్త అనుభూతిని కలిగించింది..

సినిమా బ్లాక్ బస్టర్ హిట్ కావడమే కాకుండా పలు అవార్డులను సైతం గెలుచుకుంది. భారతీయ సినిమాలో మొట్టమొదటి టైమ్ ట్రావెల్ చిత్రంగా తెరకెక్కిన ఘనత ఈ సినిమాకే దక్కుతుంది. ఈ సినిమాలో బాలకృష్ణ  శ్రీ కృష్ణదేవరాయలుగా అద్భుతంగా నటించి మెప్పించారు..కొత్త భామ మోహిని హీరోయిన్ గా నటించగా మ్యూజిక్ మాస్ట్రో ఇళయరాజా అందించిన మ్యూజిక్ చిరస్థాయిగా నిలిచి పోతుంది..

అయితే ఈ సినిమా వచ్చిన 34 ఏండ్ల తర్వాత మూవీని మళ్లీ రీ రిలీజ్ చేయబోతున్నట్లు చిత్రబృందం తాజాగా ప్రకటించిన సంగతి తెలిసిందే.. రీసెంట్ గా ఈ సినిమాకు గ్రాండ్ ప్రీ రిలీజ్ ఈవెంట్ కూడా నిర్వహించారు.ఈ సినిమాను ఏప్రిల్ 04 న గ్రాండ్ గా రీ రిలీజ్ కానుంది.. అయితే ఈ సినిమా రేపు విడుదల కానున్న నేపథ్యంలో విశ్వంభర దర్శకుడు వశిష్ట స్పెషల్ పోస్ట్ చేసారు..
బింబిసార సినిమాను తెరకెక్కించడానికి నాకు స్ఫూర్తినిచ్చిన చిత్రం ఆదిత్య 369. నాకు ఇష్టమైన హీరో నటసింహం నందమూరి బాలకృష్ణ, లెజెండరీ సింగీతం శ్రీనివాస రావు గారి టైమ్ ట్రావెల్ మాస్టర్‌పీస్ ఆదిత్య 369 ఏప్రిల్ 4న మళ్లీ విడుదల కాబోతుంది.. మీ అభిమాన థియేటర్లలో చూడండి.. అస్సలు మిస్ అవ్వొద్దు.. 4K క్వాలిటీలో రీస్టోర్ చేసినందుకు నిర్మాత కృష్ణ శివలెంక గారికి ధన్యవాదాలు..అంటూ వశిష్ట పోస్ట్


మరింత సమాచారం తెలుసుకోండి: