ఇదిలా ఉండగా.. తాజాగా జాక్ కొంచెం క్రాక్ సినిమా టైలర్ ఈవెంట్ ని హైదరాబాద్ లో మూవీ మేకర్స్ నిర్వహించారు. ఈ సందర్భంగా దర్శకుడు బొమ్మరిల్లు భాస్కర్ మాట్లాడుతూ.. జాక్ పాత్ర సిద్ధూ ఫ్లేవర్ లో కనిపిస్తుందని చెప్పాడు. అలా బయటికి కనిపించినప్పటికి లోపల మాత్రం ఆయన స్టైల్ భావోద్వేగాలు, సందేశం ఉంటుందని తెలిపాడు. సిద్ధూతో పనిచేయడం ఏ డైరెక్టర్ కి అయిన చాలా ఈజీ అని.. సిద్ధూని నమ్మితే చాలు, సన్నివేశం అద్బుతంగా వస్తుందని చెప్పుకొచ్చాడు. జాక్ సినిమా ప్రాజెక్టులో మొదటి నుండే సిద్ధూ జొన్నలగడ్డ భాగమయ్యాడని తెలిపాడు. సిద్ధూకి ఈ సినిమాలోని జాక్ పాత్రకి చాలా స్వేచ్చా ఇచ్చామని భాస్కర్ చెప్పారు. టిల్లు కూడా పాత్రకి తగట్టు చాలా బాగా నటించడని అన్నారు.
అలాగే హీరోయిన్ వైష్ణవి చైతన్య తన కళ్లతోనే మాట్లాడుతుంది, నటిస్తుందని చెప్పారు. వైష్ణవి గొప్ప స్థాయికి వెళ్తుందని బొమ్మరిల్లు భాస్కర్ చెప్పుకొచ్చారు. అయితే ప్రతి ఒక్కరిలోనూ ఒక జాక్ ఉంటాడని.. ఆ జాక్ ఎవరనేది ఎవరికి వాళ్లు తెలుసుకోవాలనేదే ఈ సినిమా ఉద్దేశం అని స్పష్టం చేశారు. ఇక టిల్లు సినిమాతో హిట్ కొట్టిన సిద్ధూ జొన్నలగడ్డ, అలాగే బేబీ సినిమాతో హిట్ అందుకున్న వైష్ణవి చైతన్య కలయికలో వస్తున్న ఈ సినిమాపై ప్రేక్షకులకు అంచనాలు మరింత పెరిగాయి. మరి ఈ సినిమా ప్రేక్షకులను మెప్పిస్తుందా లేదా చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి