ఈమె ఎప్పుడు తన స్టైలిష్‌, హాట్ అవుట్‌ఫిట్స్‌తో అభిమానుల‌ను ఆక‌ట్టుకుంటూ ఉంటుంది. అనన్య 2019లో మల్లేశం సినిమాతో సినీ ఇండస్ట్రీలోకి అడుగుపెట్టింది. ఈ సినిమాలో నటుడు ప్రియదర్శికి జోడీగా నటించింది. ఆ తర్వాత 2021లో ప్లే బ్యాక్ అనే సినిమాలో నటించింది. అదే సంవత్సరంలో పవర్ స్టార్ పవన్ కల్యాణ్ నటించిన వకీల్ సాబ్ సినిమాలో కూడా నటించి ప్రేక్షకులను మెప్పించింది. ఈమె ఖమ్మం జిల్లాలోని సత్తుపల్లి అనే గ్రామంలో జన్మించింది. హైదరాబాద్ లోని రాజామహేంద్ర ఇంజనీరింగ్ కాలేజ్ లో బీటెక్ పూర్తి చేసింది. ఆ తర్వాత కొంతకాలం సాఫ్ట్ వేర్ కంపెనీలో పని చేసింది. ఈమె సినిమాలలో రాకముందు ఒక వెబ్ సిరీస్ లో కూడా నటించింది. అలాగే ఈ గ్లామరస్ బ్యూటీ కొన్ని సినిమాలలో సహాయక పాత్రలలో కూడా కనిపించింది.
అనన్య నగాళ్ల బంపర్ ఆఫర్ కొట్టేసింది. ఈ బ్యూటీ బాలీవుడ్ సినీ ఇండస్ట్రీలోకి ఎంట్రీ ఇవ్వనున్నట్లు వార్తలు వస్తున్నాయి. డైరెక్టర్ రాకేశ్ జగ్గి దర్శకత్వంలో అనన్య నటిస్తున్నట్లు తెలుస్తోంది. ఈ మూవీ షూటింగ్ కూడా ఇప్పటికే స్టార్ట్ అయినట్లు సమాచారం. అయితే ఈ సినిమాలో అనన్య నగాళ్ల డీగ్లామర్ రోల్ లో కనిపించనున్నట్లు టాక్ వినిపిస్తుంది. అయితే ఈ సినిమాకు సంబంధించిన అధికారిక ప్రకటన ఇంకా వెలువడలేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి