మలయాళ ఇండస్ట్రీలో సూపర్ క్రేజ్ కలిగిన సీనియర్ స్టార్ హీరోలలో ఒకరు అయినటువంటి మోహన్ లాల్ తాజాగా పృథ్వీరాజ్ సుకుమారన్ దర్శకత్వంలో రూపొందిన L2 ఎంపురన్ అనే సినిమాలో హీరో గా నటించిన విషయం మన అందరికీ తెలిసిందే. ఈ సినిమాని లూసిఫర్ మూవీ కి కొనసాగింపుగా రూపొందించారు. మంచి విజయం సాధించిన లూసిఫర్ మూవీ కి కొనసాగింపుగా రూపొందిన సినిమా కావడంతో మొదటి నుండి L2 ఎంపురన్ మూవీ పై ప్రేక్షకులు మంచి అంచనాలు పెట్టుకున్నారు. మంచి అంచనాల నడుమ ఈ సినిమా భారీ ఎత్తున మార్చి 27 వ తేదీన విడుదల అయింది. ఇప్పటి వరకు ఈ సినిమాకు సంబంధించిన 14 రోజుల బాక్సా ఫీస్ రన్ కంప్లీట్ అయింది. ఈ 14 రోజుల్లో ఈ సినిమాకు ప్రపంచ వ్యాప్తంగా ఏ ఏరియాలో ఏ రేంజ్ కలెక్షన్లు వచ్చాయి అనే వివరాలను క్లియర్ గా తెలుసుకుందాం.

14 రోజుల్లో ఈ సినిమాకు కేరళ ఏరియాలో 82.55 కోట్ల కలెక్షన్లు దక్కగా , తెలుగు రాష్ట్రాల్లో 4.40 కోట్లు , తమిళనాడులో 9.65 కోట్లు , కర్ణాటక మరియు రెస్ట్ ఆఫ్ ఇండియాలో 22.10 కోట్లు , ఓవర్సీస్ లో 141.75 కోట్ల కలెక్షన్లు దక్కాయి. మొత్తంగా ఈ సినిమాకు 14 రోజుల్లో ప్రపంచ వ్యాప్తంగా 122.95 కోట్ల షేర్ ... 260.75 కోట్ల గ్రాస్ కలెక్షన్లు దక్కాయి. ఈ మూవీ 102 కోట్ల టార్గెట్ తో బాక్సా ఫీస్ బరిలోకి దిగింది. ఇక 14 రోజుల్లో ఈ సినిమాకు 20.95 కోట్ల రేంజ్ లో లాభాలు వచ్చాయి. ఇక ఈ వారం కూడా పెద్ద క్రేజ్ ఉన్న సినిమాలు ఏవి కూడా మలయాళ ఇండస్ట్రీలో విడుదల కాకపోవడంతో ఈ మూవీ కి ఈ వారం రోజుల పాటు కూడా మంచి కలెక్షన్లు మలయాళ బాక్స్ ఆఫీస్ దగ్గర వచ్చే అవకాశం ఉంది అని చాలా మంది అభిప్రాయ పడుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

mohan lal

Pulgam Srinivas

11/04/2025 02:47 PM