కమీడియన్ పాత్రలతో కెరియర్ను మొదలు పెట్టి ప్రస్తుతం హీరోగా వరుస పెట్టి సినిమాల్లో నటిస్తున్న వారిలో ప్రియదర్శి ఒకరు. ప్రియదర్శి తాజాగా సారంగపాణి జాతకం అనే సినిమాలో హీరోగా నటించిన విషయం మన అందరికీ తెలిసిందే. ఈ మూవీ కి తెలుగు సినీ పరిశ్రమలో మంచి దర్శకుడిగా గుర్తింపును సంపాదించుకున్న ఇంద్రగంటి మోహనకృష్ణ దర్శకత్వం వహించాడు. ఈ సినిమాను ఏప్రిల్ 18 వ తేదీన విడుదల చేయనున్నట్లు ఈ మూవీ బృందం వారు చాలా రోజుల క్రితమే అధికారికంగా ప్రకటించారు. ఈ సినిమా విడుదల తేదీ దగ్గర పడడంతో ఈ మూవీ యూనిట్ వారు గత కొన్ని రోజులుగా ఈ సినిమాకు సంబంధించిన ప్రచారాలను కూడా పెద్ద ఎత్తున నిర్వహిస్తూ వస్తున్నారు.

ఈ మూవీ బృందం వారు ఈ సినిమా ప్రచారాలను భారీ ఎత్తున నిర్వహిస్తూ రావడంతో ఈ సినిమాను ఖచ్చితంగా ఏప్రిల్ 18 వ తేదీన విడుదల చేస్తారు అని చాలా మంది ఫిక్స్ అయిపోయారు. ఇకపోతే అనూహ్యంగా ఈ సినిమా వాయిదా పడే అవకాశం ఉంది అని సోషల్ మీడియాలో ఓ వార్త వైరల్ అవుతుంది.

అసలు విషయం లోకి వెళితే ... ఈ సినిమాకు సంబంధించిన అన్ని పనులు పూర్తి అయినప్పటికీ కొన్ని కారణాల వల్ల ఈ సినిమాను ఏప్రిల్ 18 వ తేదీన కాకుండా ఏప్రిల్ 25 వ తేదీన విడుదల చేయాలి అనే ఆలోచనకు మేకర్స్ వచ్చినట్లు , మరికొన్ని రోజుల్లోనే అందుకు సంబంధించిన అధికారిక ప్రకటనను కూడా ఈ మూవీ బృందం వారు విడుదల చేయనున్నట్లు ఓ వార్త వైరల్ అవుతుంది. మరి ఈ సినిమాను ఏప్రిల్ 18 వ తేదీన విడుదల చేస్తారా ..? లేక ఆ తేదీన వాయిదా వేసి ఏప్రిల్ 25 వ తేదీన విడుదల చేస్తారా అనేది తెలియాలి అంటే మరికొన్ని రోజులు వేచి చూడాల్సిందే. ఇకపోతే ప్రస్తుతానికి సారంగపాణి జాతకం మూవీ పై తెలుగు ప్రేక్షకుల్లో మంచి అంచనాలు ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

11/04/2025 04:58 PM